काठमाडौं । दुध दिवसका अवसरमा नेपाल डेरी एसोसिएसनले वक्तृत्वकला प्रतियोगिता आयोजना गरेको छ । काठमाडौंको स्वयम्भुस्थित त्रिरत्न आवसीय विद्यालयमा भएको प्रतियोगितामा धर्मस्थली स्कुलकी कृष्टिना सिम्खडा प्रथम भएकी छन् ।
यस्तै, गोल्डेन गार्डेन स्कुलकी अमृता राना द्वितीय, पद्यकन्या माविकी मदिमा न्यौपाने तृतीय हुँदा अनमोल ज्योति स्कुलकी मृदुला अर्याल र मेघा पब्लिक स्कुलका विवेक ढुंगानाले सान्त्वना पुरस्कार पाएका छन् ।
यस वर्षको दुध दिवस आगामी यही जेठ १९ गते (जुन १ तारिख)मा मनाइँदैछ ।
प्रतियोगितामा दुग्ध उद्योगीसहित करीब ६०० जनाको उपस्थिति रहेको आयोजकले जनाएको छ ।
कार्यक्रममा राष्ट्रिय दुग्ध विकास बोर्डका कार्यकारी निर्देशक डा. बालक चौधरीले प्रतियोगितामा विजयी हुने विद्यार्थी एवं विद्यालयलाई प्रमाणपत्र, शिल्ड, मेडल र पुरस्कार प्रदान गरे ।
कार्यक्रममा उपस्थित अथितिलाई दुग्ध पदार्थ समावेश मायाको चिनो प्रदान गरिनुका साथै सबैलाई मोही सेवन गराइएको थियो ।
