काठमाडौं। कृष्णनगरमा स्व. वक्तावारीदेवी गोयल कल्याणकारी कोषले युनिभर्सल कलेज अफ मेडिकल साइन्सेस भैरहवाको समन्वयमा शनिवार ‘एकदिने नि:शुल्क स्वास्थ्य शिविर’ सम्पन्न गरेको छ । कपिलवस्तुको कृष्णनगरस्थित लक्ष्मीनारायण मन्दिर धर्मशाला परिसरमा उक्त नि:शुल्क स्वास्थ्य शिविर सञ्चालन गरेको होे ।

उक्त स्वास्थ्य शिविरमा कृष्णनगर आसपासका करीब ४५० जनाले स्वास्थ्य जाँच गराएका थिए । स्वास्थ्य शिविरमा समान्य चिकित्सा, महिला रोग, हाडजोर्नी तथा नसारोग, बाल रोग, नाक, कान, घाँटी, रगत परीक्षण, अल्ट्रासाउण्ड परीक्षण, दाँत तथा गिजा रोग, इसीजी, छाला तथा यौन रोग लगायतको परीक्षण र औषधि वितरणसमेत गरिएको ट्रष्टका अध्यक्ष विश्वनाथ गोयलले जानकारी दिए । 

शिविरमा उपस्थित भई नाम लेखाएका र जाँच गराएका बिरामीलाई भदौ १७ गतेसम्म विभिन्न रोगको उपचारमा युनिभर्सल कलेजले विशेष छूट तथा सहुलियत दिने अध्यक्ष गोयलले बताए ।