काठमाडौं। सामसङ नेपालले ग्यालेक्सी एमथ्रटी फाइभजी सार्वजनिक गरेको छ । यसमा विभिन्न विशेष सुविधा र धेरै टिक्ने ब्याट्री रहेकोले प्रयोगकर्ताको मन जित्ने कम्पनीको विश्वास छ ।
६ हजार एमएएच ब्याट्री क्षमता भएको मोबाइलमा ८ जीबी र्याम र २५६ जीबी स्टोरेज रहेको बताइएको छ । उत्कृष्ट मोन्स्टर डिस्प्ले रहेको मोबाइलमा अप्टिकल इमेज स्टाबिलाइजेसन, एटएमपी अल्ट्रा–वाइड क्यामरा र टुएमपी म्याक्रो क्यामराको साथ फिप्टी एमपी मुख्य क्यामरा रहेको कम्पनीले जानकारी दिएको छ ।
स्टेरियो स्पिकरबाट उत्कृष्ट अडियो अनुभव प्रदान गर्ने बताइएको छ । गाढा निलो, खैरो र हल्का निलो तीन मनमोहक रङमा उपलब्ध यो डिभाइसको मूल्य रू. ४४ हजार ९९९ निर्धारण गरिएको छ । यो डिभाइस देशभर सबै सामसङको अधिकृत आउटलेटमा उपलब्ध रहेको बताइएको छ । शून्य प्रतिशत ब्याजमा झन्झटरहित ईएमआई सेवा समेत यो डिभाइसको खरीदमा रहेको कम्पनीको भनाइ छ ।
