काठमाडौं। समृद्धि फाइनान्सले शाखा कार्यालय पुतलीसडक, नारायणगढ र बुटवलमा रक्तदान कार्यक्रम गरेको छ । ‘रक्तदान जीवनदान’ नारालाई आत्मसात् गर्दै आयोजना गरिएको उक्त कार्यक्रम बुटवलको रक्त सञ्चार सेवा केन्द्रमा, नारायणगढ शाखाको प्रांगणमा र पुतलीसडकको शंकरदेव क्याम्पस अगाडि ट्याक्सी स्ट्याण्डमा सम्पन्न गरिएको थियो ।

सो कार्यक्रममा बुटवलबाट ३८, नारायणगढबाट ४३ र पुतलीसडकबाट ५० गरी जम्मा १३१ युनिट रगत संकलन भएको छ । संस्थाले संस्थागत सामाजिक उत्तरदायित्वअन्तर्गत हरेक महीनाका लागि फरक फरक कार्यक्रम तय गरेकोमा फागुन महीनाका लागि रक्तदान कार्यक्रम गरेको बैंकले जानकारी दिएको छ ।