काठमाडौं। स्वावलम्बन लघुवित्त वित्तीय संस्थाको शाखा कार्यालय लेलेको आयोजनामा वित्तीय साक्षरता तथा केन्द्र प्रमुख अन्तरक्रिया कार्यक्रम शुक्रवार सम्पन्न गरेको छ । कार्यक्रममा शाखा अन्तर्गतका उत्कृष्ट ३ ओटा केन्द्रलाई नगदसहित पुरस्कार वितरण गरिएको थियो । त्यस्तै, शाखा कार्यालयअन्तर्गत शैक्षिक सत्र २०७९ मा एसईई परीक्षामा उत्कृष्ट अंक प्राप्त गर्ने ग्राहक सदस्यका सन्तानलाई नगद पुरस्कार वितरण गरिएको थियो ।

कार्यक्रममा केन्द्र नं ६३ का प्रमुख पुनादेवी राई, प्रहरी कार्यालय लेलेका प्रहरी सहायक निरीक्षक भीमबहादुर कोइराला, संस्थाको केन्द्रीय कार्यालयका नायव विभागीय प्रबन्धक मोहित नारायण यादवको उपस्थिति थियो । कार्यक्रममा करीब ७० जना ग्राहक सदस्यको सहभागिता थियो ।