उत्कृष्ट शिक्षा प्रदान गरेकोमा शिक्षा मन्त्रालयबाट राष्ट्रिय शिक्षा पुरस्कार पाउन सफल नोबेल एकेडेमीले विद्यार्थीहरूलाई गुणस्तरीय शिक्षामा जोड दिएको प्रधानाध्यापक प्राडा सुरेन्द्रराज काफ्लेले बताए । विद्यार्थीलाई सबैभन्दा राम्रो शिक्षा प्रदान गरेको र सिकाइमैत्री वातावरणमा अध्यापन तथा प्रयोगात्मक शिक्षालाई प्राथमिकता दिएकाले उक्त पुरस्कार पाउन सफल भएको हो ।
नोबेल एकेडेमीले आफ्ना विद्यार्थी अन्तरराष्ट्रिय समुदायमा अब्बल दर्जामा परिचित हुन् भन्ने उद्देश्यले शिशु कक्षादेखि स्नातक तहसम्म उच्चस्तरीय शिक्षा दिँदै आएको उनको भनाइ छ । उनका अनुसार यस विद्यालयमा विद्यार्थीलाई बालमैत्री भावसहित अध्यापन गराइँदै आएको छ । विद्यार्थीहरूको पहिलो जग विद्यालय जीवन भएकाले यसैले भविष्य निर्धारण गर्छ । यसका लागि उनीहरूको भविष्य निर्माण गर्न विद्यालय तहमा हामीले विशेष महत्त्व दिने गरेका छौं,’ प्राडा काफ्लेले भने ।
नेपाल सरकारले पनि राष्ट्रियस्तरमा नै सबै विद्यार्थीका लागि ज्ञान, उपयोगी शीप, दिनमा जोड दिएको छ । उनले हरेक विद्यार्थी अद्वितीय र विशेष क्षमताका हुने भएकाले उनीहरूको अधिकतम क्षमताको विकास गर्नमा विशेष जोड दिइएको बताए । उनले भने, ‘हामी विद्यार्थीलाई कडा परिश्रमको महत्त्व, समयमै काम सक्नुपर्ने र प्राप्त अवसरलाई कसरी उपयोग गर्ने भन्नेलगायत विषयमा शिक्षण गर्छाैं ।’
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।