भदौ ५, काठमाडौं । नागरिक लगानी कोषको २७ औं वार्षिक साधारणसभा सोमवार (भोलि ) हुने भएकाे छ । काठमाडौं नयाँ बानेश्वरस्ठित कोषको केन्द्रीय कार्यालयमा अपराह्न ३ बजे साधारणसभा शुरू हुने कम्पनीले जानकारी दिएकाे हाे ।
सभाले ३० प्रतिशत बोनस शेयर र १ दशमलव ५७८९ प्रतिशत नगद लाभांश (कर प्रयोजनक लागि) वितरण गर्ने प्रस्ताव पारित गर्नेछ । त्यसैगरी सभाले सञ्चालक समितिमा सर्वसाधारण शेयरधनीहरूको तर्फबाट प्रतिनिधित्व गर्ने एक जना सञ्चालक पदको निर्वाचन गर्ने प्रस्ताव पनि पारित गर्नेछ ।
साधारणसभा प्रयोजनको लागि कोषले साउन २५ गते एक दिन बुक क्लोज गरिसकेको छ । यस आधारमा साउन २४ गतेसम्म कायम शेयरधनीले साधारणसभा भाग लिन र लाभांशमा सहभागी हुन पाउनेछन् ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।