.jpg)
काठमाडौं । फिफा विश्वकप फुटवल अन्तर्गत कतारमा जारी खेलमा मंगलवार चार ओटा खेल हुने भएको छ । आजदेखि हरेक दिन समूह चरणका चार खेल हुनेछन् । आज भने समूह सी र समूह डी का दुई दुई खेल हुनेछन ।
स्थानीय लुसेल रंगशालामा समूह सी मा रहेका अर्जेन्टिना र साउदी अरेबियाबीच दिउँसो पौने ४ बजे खेल शुरु हुनेछ । दोस्रो खेलमा समूह डी मा रहेका डेनमार्क र ट्युनिसिया भिड्नेछन् । यो खेल एजुकेसन सिटी रंगशालामा साँझ पौने ७ बजेदेखि शुरु हुनेछ ।
समूह सी कै अर्को खेलमा मेक्सिको र पोल्याण्ड बीच पौने १० बजे राती प्रतिस्पर्धा हुनेछ । चौथो खेलमा भने समूह डी मा रहेको साविक विजेता फ्रान्सले अष्ट्रेलियासँग खेल्दै विश्वकप उपाधि रक्षा अभियान शुरु गर्नेछ । यो खेल अल जानोब रंगशालामा राति पौने १ बजे शुरु हुनेछ ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।