.jpg)
काठमाडौं । प्रतिनिधिसभाको प्रत्यक्षतर्फका कुल १६५ निर्वाचन क्षेत्रमध्ये हालसम्म १४८ स्थानको अन्तिम मतपरिणाम सार्वजनिक भएको छ ।
शनिवार अपराह्न ३ बजेसम्मको परिणामअनुसार प्रत्यक्षतर्फ नेपाली कांग्रेस पहिलो, नेकपा (एमाले) दोस्रो र नेकपा (माओवादी केन्द्र) तेस्रो स्थानमा छन् ।
नेपाली कांग्रेस अहिले पनि सात स्थानमा अग्रस्थानमा रहेको छ । त्यसैगरी नेकपा (एमाले) तीन स्थानमा अगाडि रहेको छ ।
हालसम्म प्रत्यक्षतर्फ नेपाली कांग्रेस ५० स्थानमा विजयी भएको छ । नेकपा (एमाले) ३८ स्थानमा, नेकपा माओवादी केन्द्र १६, नेकपा (एकीकृत समाजवादी) १० स्थानमा, राष्ट्रिय स्वतन्त्र पार्टी ७ स्थानमा, जनता समाजवादी पार्टी ५ स्थानमा, राष्ट्रिय प्रजातन्त्र पार्टी ७ स्थानमा, लोकतान्त्रिक समाजवादी पार्टी चार स्थानमा विजयी भएको छ ।
निर्वाचन आयोगको यो आधिकारिक विवरण नभए पनि विभिन्न स्थानमा मतगणना सकिँदा कांग्रेस, एमालेलगायत अन्यका थप विजय उम्मेदवारहरू घोषणा हुने क्रम जारी छ।
निर्वाचन आयोगका अनुसार दोलखा, स्याङ्जा र बाजुराका तीन क्षेत्रमा मतगणना हुन सकेको छैन ।
.jpg)
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।