.jpg)
काठमाडौं। नेपाल पेय पदार्थ तथा चुरोट संघले विभिन्न राष्ट्रिय पत्रपत्रिकामा प्रकाशित ‘चुरोटमा दक्षिण एसियामै कम कर, ज्यानमारा चुरोटप्रति सरकार किन उदार ?’ भन्ने बेहोराको विज्ञापनप्रति ध्यानाकर्षण भएको बताएको छ । संघले स्वदेशी उत्पादनबाटै राष्ट्रिय माग पूरा गर्न सक्ने अवस्थामा रहेको चुरोट उद्योगबाट हाल नेपालमा विभिन्न किसिमका चुरोट उत्पादन हुने गरेको र कूल राजस्वमा सुर्तीजन्य उद्योगको ४ प्रतिशतभन्दा बढी योगदान रहेको बताइएको छ ।
नेपालमा विक्री चुरोटमा अन्त:शुल्क, स्वास्थ्य जोखिम कर, अन्त:शुल्क स्टिकर शुल्क, मूल्य अभिवृद्धि कर, कच्चा पदार्थको आयातमा भन्सार शुल्क लगायतका कर संकलन गरिने गरिएको संघको भनाइ छ । ‘विभिन्न कम्पनीका विभिन्न ब्राण्डका चुरोटमा विक्री मूल्यको ७१ प्रतिशतसम्म कर लाग्ने गरेको कुरा स्पष्ट छ,’ संघले भनेको छ । नेपाली उद्योगले पुर्याएको योगदानलाई कम आकलन गर्न मात्र नभई स्वदेशी औद्योगिक उत्पादनलाई निरुत्साहन गर्न, आयातित एवं गैरकानूनी वस्तुलाई प्रोत्साहन गर्न, निहित स्वार्थका लागि राज्यलाई भ्रममा पार्न खोजिएको संघको आरोप छ ।
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।