तमिलनाडु (भारत) । तमिलनाडुको कल्लाकुरिची जिल्लामा अवैध देशी मदिरा सेवनबाट अहिलेसम्म ३४ जनाको ज्यान गएको छ । योसँगै अस्पतालमा एक सयभन्दा बढी व्यक्ति भर्ना छन् ।
भारतीय सञ्चारमाध्यमका अनुसार अवैध देशी मदिरा सेवनका कारण १०९ जना बिरामी भई विभिन्न अस्पतालमा उपचार भइरहेको छ ।
अवैध मदिरा विक्री गरेको अभियोगमा प्रहरीले ४९ वर्षीय के गोविन्दराज उर्फ कन्नुकुटीलाई पक्राउ गरेको छ । प्रहरीले रक्सीको नमूना विल्लुपुरमको फरेन्सिक प्रयोगशालामा पठाएको थियो, जहाँ रक्सीमा विषाक्त मिथेनोल रहेको भेटिएको छ ।
तमिलनाडु राज्यका मुख्यमन्त्री एमके स्टालिनले मृतकका परिवारलाई जनही १० लाख र उपचार गराइरहेकालाई ५०-५० हजार रुपैयाँ दिने घोषणा गरेका छन् । घटनाको छानबिन गर्न पूर्वन्यायाधीश बी गोकुलदाससहित एक सदस्यीय आयोग गठन गरी ३ महीनाभित्र प्रतिवेदन बुझाउने घोषणा गरिएको छ । एजेन्सी
सबै प्रतिक्रिया हेर्नुहोस
अहिलेसम्म कुनै प्रतिक्रिया छैन।