ई –पेपर | हाम्रो बारेमा | विज्ञापन | ग्राहक बन्नुहोस | Podcast | Newbiz
arthik abhiyan
ad banner Apache RTR 200 ABS

काठमाडौंमा ‘रामेन हाउस’ सञ्चालनमा 

एक वर्षभित्रै १० आउटलेट खोल्ने कम्पनीको योजना

Jul 21, 2019  
बजार
Image Not Found
author avatar टीपी भुसाल

काठमाडौं । नेपाल होकाइदो बिजनेश ग्रूप प्रालिले काठमाडौंमा जापानी परिकार रामेनसहित विभिन्न ३० प्रकारका जापानी खाना उपलब्ध हुने रामेन हाउस सञ्चालनमा ल्याएको छ । विदेशको अनुभवलाई नेपालमा सदुपयोग गर्दै नेपालीलाई रोजगारी दिने उद्देश्यले कम्पनीले नेपालमा रेस्टुराँ सञ्चालन गरेको बनाएको बताएको छ । 

ग्रूपले नेपालको होटल समूह काठमाडौं गेस्ट हाउस प्रालि (केजीएच)सँगको सहकार्यमा पार्क भिलेज रिसोर्ट र काठमाडौं गेस्ट हाउसमा दुई ओटा आउटलेट सञ्चालनमा ल्याएको कम्पनीका अध्यक्ष अर्जुन अधिकारीले जानकारी दिए । ग्रूपमा विगत १७ वर्षदेखि जापानमा नेपाली तथा जापानी रेस्टुरेन्ट सञ्चालन गर्दै आएका व्यक्तिहरू आबद्ध छन् । आउटलेट विस्तार गर्दैै एक वर्षभित्र १० ओटासम्म पुर्‍याउने योजना रहेको अधिकारीले बताए । हाल यसमा ४ जनाको लगानी छ । 

बुढानीलकण्ठमा रहेको रेस्टुराँको नेपालका लागि जापानी राजदूत मासाशी ओगावाले शनिवार उद्घाटन गरेका छन् । कम्पनीले रामेन हाउस सञ्चालनका लागि २ करोड ७५ लाख रुपैयाँ लगानी गरिसकेको र आवश्यकता अनुसार लगानी बढाउने बताएको छ । हाल पार्क भिलेजमा रहेको सेन्टर किचनले २० भन्दा बढी रेस्टुराँलाई रामेन विक्री गर्दै आएको छ । 

रामेन जापानको चर्चित खाद्य परिकार हो । यो खाजालाई जापानमा छिटो तयार गर्न सकिने र स्वास्थ्यकर खाजाको रूपमा प्रयोग गरिने रामेन हाउसका प्रमुख सेफ पुरनबहादुर चौधरीले जानकारी दिए । रामेनमा नेपाली उत्पादन प्रयोग गर्ने उद्देश्य अनुरूप कम्पनीले देशका विभिन्न क्षेत्रमा किसानलाई गहुँ, जहु र फापर उत्पादन गर्न लगाएकोे बताएको छ । 

कम्पनीले नेपालमा स्वास्थ्यकर पानीका लागि जापानी प्रविधिमा आधारित सफा सूइ कम्पनीमार्फत पानी उत्पादन गर्ने सोच बनाएको पनि सञ्चालक अधिकारीले जानकारी दिए । काठमाडौंमा मात्र करीब २७ ओटा भन्दा बढी जापानी रेस्टुराँ सञ्चालनमा छन् । तीमध्ये १२ ओटा रेस्टुराँमा रामेन पाइन्छ । नेपाल भ्रमण वर्ष २०२० नजिकिरहेको बेला रामेनको परिकार नेपालमा पाइने भएपछि जापानी पर्यटकको नेपाल बसाइ लम्बिनमा थप सहयोग पुग्ने कम्पनीको भनाइ छ ।

प्रतिक्रिया [0]
प्रतिक्रिया दिनुहोस्