arthik abhiyan
ad banner

एलजीको स्मार्टफोनमा तीन स्क्रिन

Aug 12, 2019 
प्रविधि
Image Not Found

स्मार्टफोन निर्माता कम्पनी एलजीले नयाँ स्मार्टफोन डिभाइस ल्याएको छ, जसमा तीनओटा स्क्रिन हुनेछ । आईएफए २०१९ को पत्रकार सम्मेलनका लागि सार्वजनिक गरिएको टिजरमा यसको एक झल्को दिइएको हो । २० सेकेन्डको टिजरमा एक एनिमेटेड सिंगल स्क्रिनमा भिडियो गेम चलिरहेको छ र यसमा सानो गेम कन्ट्रोलर र क्यामेरा आइकन बनेको देखिन्छ ।

यसपछि किताबजस्तै दोस्रो स्क्रिन पनि खुल्छ । त्यसपछि डिभाइस बन्द हुन्छ र तेस्रो सानो स्क्रिन डिभाइसको माथिल्लो भागमा देखिन्छ । यसलाई एलजीले मोबाइल वल्र्ड कंग्रेसमा प्रदर्शन गरेको थियो । टिजरको भिडियोका साथै यस विषयसँग जोडिएका केही जानकारी पनि सार्वजनिक भएका छन् । तर नयाँ डिभाइसको विषयमा स्पष्ट रूपमा यो नै हो भनेर भन्न सकिने अवस्था भने छैन । बजारमा अहिले रहेका अन्य डिभाइसका लागि कम्पनीले नयाँ एसेसोरी ल्याउन सक्ने बताइएको छ ।

यो डिभाइस पट्याउन मिल्ने किसिमको हुने सम्भावना भने निकै कम छ । एलजीले आफ्नो ओएलईडी टीभीबाहेक अन्य उत्पादन सार्वजनिक गर्ने कार्यक्रम छैन । यस्तोमा यो डिभाइस पट्याउन मिल्ने स्मार्टफोनको रूपमा नआउने निश्चित देखिएको छ ।

फोल्डिङ स्क्रिनको सट्टा यो डिभाइसमा दुई फरक स्क्रिन हुन सक्ने बताइएको छ । यस्तोमा डिभाइसको स्क्रिन सामसुङ ग्यालेक्सी फोल्ड वा हुवावेई मेट एक्सजस्तो बीचबाट पट्याउन भने सकिँदैन । एजेन्सी

प्रतिक्रिया [0]
प्रतिक्रिया दिनुहोस्