arthik abhiyan
ad banner

आईफोनको फेस आईडी असुरक्षित

Aug 12, 2019 
प्रविधि
Image Not Found

एप्पल आफ्ना आईफोन प्रयोगकर्ताको गोपनीयताप्रति सधैं सचेत रहने कम्पनी मानिन्छ । तर पछिल्लो समय उसका लागि ठूलो सुरक्षा चुनौती देखिएको छ । एक अनुसन्धानले आईफोनको सबैभन्दा लोकप्रिय फिचर फेस आईडीलाई झुक्याउन सकिने देखाएको छ ।

ग्लास र टेपको सहयोगमा फेसआईडी खोल्न सकिने टेन्सेन्ट रिसर्चको एक टोलीले बताएको छ । टोलीले ‘ब्ल्याक ह्याट सेक्युरेटी कन्फ्रेन्स’मा यो समस्याबारे जानकारी दिएको हो । अहिले सार्वजनिक भएको यस किसिमको कमजोरी आईफोनले अनलकको क्रममा कसरी डेटा कसरी क्याप्चर गर्छ भन्ने विषयसँग सम्बन्धित थियो । एक अनलाइन वेबसाइटका अनुसार प्रयोगकर्ताले फेस अनलक गर्ने बेला चश्मा लगाएको छ भने यसले आँखा र त्यसको नजीकको थ्रीडीको जानकारी लिँदैन । यो कमजोरीको सहयोगमा डिभाइस अनलक गर्न अनुसन्धाताले ‘लाइभनेस’ नामक यो फिचर्सलाई बाइपास गरेका हुन् । यो फिचर आईफोनको अगाडिको मान्छेको मुहार सक्कली हो कि नक्कली भन्ने कुरा थाहा पाउन सहज हुनेछ । 

चश्मा र कालो टेपले गर्छ सहयोग 
लाइभनेर फिचर्सले ब्याकग्राउन्ड नोइज, रेस्पोन्स डिस्टार्शन र फोकस ब्लर पनि पहिचान गर्न सक्छ । यसले प्रयोगकर्ताको आँखाको पनि स्क्यान गर्छ । तर यदि चश्मा लगाएको छ भने यसको आँखा स्क्यान गर्ने प्रक्रिया फेरिन्छ । यस्तोमा यसै किसिमको कमजोरीलाई आधार बनाउँदै कालो टेपको सहयोगमा एप्पलको फेस आईडी प्रविधिलाई झुक्याउन सकिन्छ । चश्माको भित्री भागमा कालो टेप टाँसेर सम्बन्धित व्यक्तिलाई लगाइदिएपछि आईफोन अनलक गर्न सकिन्छ ।

झट्ट सुन्दा यो प्रक्रिया आश्चर्यपूर्ण लाग्छ । तर यदि प्रयोगकर्ता बेहोश भयो वा उसले थाहा नपाउने अवस्थामा यस किसिमको चश्माको प्रयोग गरी आईफोन अनलक गर्न सकिन्छ । त्यस्तो बेला यो निकै हानिकारक हुन सक्छ । एजेन्सी

प्रतिक्रिया दिनुहोस्