arthik abhiyan
ad banner

कलंकी–महाराजगञ्ज–चावहिल सडक विस्तारको तयारी शुरु, चक्रपथको चौडाइ सडकको मध्य भागबाट ३१ मिटर

Aug 13, 2019 
समाचार
Image Not Found
फाइल फोटो

साउन २८, काठमाडौं । चीन सरकारले चक्रपथको कलंकीदेखि चावहिलसम्मको सडक विस्तारका लागि विस्तृत अध्ययन प्रतिवेदन (डिपिआर) अध्ययन गरिरहँदा यस खण्डमा सडक खाली गराउने काम शुरु भएको छ ।    

 सडक विभाग, चक्रपथ सुधार योजनाले कलंकीदेखि महाराजगञ्ज हुँदै चावहिलसम्म सडकको अधिकार क्षेत्रभित्र पर्ने स्थान खाली गराउन लागेको हो । सडकमा रहेका रूख, बिजुलीको पोल, खानेपानीको पाइपलगायतका संरचना हटाउन लागिएको योजनामा कार्यरत इञ्जिनीयर निरञ्जन शर्मा अर्यालले बताए । 

उनका अनुसार कतिपय संरचना हटाउनका लागि विभिन्न निकायसँग सहकार्य हुनेछ । उनले भने, ‘ठेक्का गरेर भएका रूख कटाउने लगायतका काम शुरु गरिएको छ ।’  चक्रपथको चौडाइ सडकको मध्य भागबाट ३१ मिटर रहेको छ । चिनियाँको प्रतिवेदन आएपछि नै सडकको चौडाइ कति कायम हुने भन्ने टुंगो लाग्ने इञ्जिनीयर शर्माले बताए ।

उनले भने, ‘अहिले हामीले चक्रपथको मापदण्डका आधारमा सडक खाली गराउन लागेका छौं ।’ चक्रपथको पहिलो खण्डका रुपमा रहेको कोटेश्वर–कलंकी सडक सम्पन्न हुनासाथ दोस्रो खण्डको अध्ययन शुरु भएको हो ।

नेपाल सरकारलाई गत वर्ष नै चीन सरकारले निर्माण सम्पन्न गरेर सडक हस्तान्तरण गरिसकेको छ । अध्ययन गरिरहेको चीन सरकारले नै सो सडकको समेत विस्तारको काम गर्नेछ । रासस
 

प्रतिक्रिया [0]
प्रतिक्रिया दिनुहोस्