arthik abhiyan
ad banner

दोलखा उद्योग वाणिज्य संघ आफ्नै भवनमा

Aug 17, 2019 
प्रदेश ०३
Image Not Found
author avatar अभियान संवाददाता

साउन ३२, दोलखा । दोलखा उद्योग वाणिज्य संघले आफ्नै भवनबाट  सेवा शुरु गरेको   छ ।

विनाशकारी भूकम्पले जिर्ण बनेको भवनलाई रेट्रोफिट गरेपछि संघले आफ्नै भवनबाट सेवा शुरु गरेको हो । रेट्रोफिट सम्पन्न भएपछि  शनिवार संघका कार्यवाहक अध्यक्ष दिनेश थापाले भवनको उद्घाटन गरे ।

साढें तीन तले भवनको डेढतला काटिएको तथा १२ ओटा पिलर, विम तथा वालसमेत रेट्रोफिट गरिएको दोलखा उद्योग वाणिज्य संघका महासचिव हेमराज रिमालले बताए । रेट्रोफिटका लागि एनसेटले डिजाइन तथा स्टिमेट उपलब्ध गराएको थियो । भीमेश्वर नगरपालिका  कार्यालयका प्राविधिकहरुको प्रत्यक्ष रेखदेख र निगरानिमा रेट्रोफिट गरिएको उनको भनाई छ ।

भवन मर्मतका लागि व्यापारी प्रभुराम श्रेष्ठले रू.६ लाख सहयोग गरेका थिए भने उद्योगी शेखर गोल्छाले रू.१ लाख सहयोग गरेका थिए । यस्तै दोलखा उद्योग वाणिज्य संघका पदाधिकारी तथा सदस्यहरुबाट पनि रकम जुटाइएको थियो ।

भवनको सबेै काम सम्पन्न गर्न रू.४० लाख लाग्ने अनुमान छ । नपुग रकम जुटाउनका लागि स्थानीय निकाय तथा विभिन्न संघसंस्थाहरुलाई  आग्रह गरिएको संघले बताएको  छ ।

माथिल्लो तलामा प्रिफ्यावको सुविधा सम्पन्न सभा हल बनाउने योजना रहेको महासचिव रिमालले बताए । महासंघको भवनमा हलसहित आठ कोठा रहेका छन् ।
 ।

प्रतिक्रिया दिनुहोस्