arthik abhiyan
ad banner

अटोमोबाइल विलासी वस्तु होइन

Aug 27, 2019 
अन्तरवार्ता
Image Not Found
अनुप बराल, सचिव, नाडा अटोमोबाइल्स एशोसिएशन अफ नेपाल

यस वर्षको नाडा अटो शोको मुख्य आकर्षण के छ ?
नाडा अटो शोमा विभिन्न अन्तरराष्ट्रिय ब्रान्डको विक्री वितरण गरिरहेका अटोमोबाइल कम्पनी, लुब्रिकेन्ट्स, टायर, ब्याट्री र ग्यारेज इक्वीपमेन्ट विक्रेता कम्पनीहरू सहभागी छन् । गाडी कर्जा र गाडी बीमाको जानकारी समेत दिनेगरी बैंक र इन्स्योरेन्स कम्पनीका स्टल पनि राखिएका छन् । ग्राहक र अटोमोबाइलमा रुचि भएकाहरूका लागि यो एउटा राम्रो अवसर हो । यसमा कम्पनीले ग्राहकलाई आकर्षण गर्नेगरी नै आप्mना ब्रान्ड प्रदर्शन गर्छन् । यस्तै हाइब्रिड तथा विद्युतीय गाडी यो मेलाका आकर्षण हुन सक्छन् । नेपालमै बनेका टायर र लुब्रिकेन्ट्स पनि प्रदर्शनीमा राखिएका छन् । यो अर्को विशेषता हो ।

सवारी आयातमा नीतिगत कडाइ गरिएको छ । यसले नाडा अटो शोलाई कत्तिको प्रभाव पारेको छ ?
नीतिगत परिवर्तनका कारण अटोमोबाइल उद्योगमा केही प्रभाव परेको छ । यद्यपि बजारमा नाडा अटो शोको राम्रो प्रभाव रहँदै आएको छ । यो प्रदर्शनीले अटोमोबाइल क्षेत्रमा सकारात्मक प्रभाव पार्नेमा अपेक्षा गरेका छौं ।

अटोमोबाइललाई विलासी वस्तुको रूपमा हेरिएको छ । यसबारे के भन्नुहुन्छ ?
आव २०७३/७४ को तथ्यांकमा कुल जनसंख्याको ७ दशमलव २९ प्रतिशतसँग मोटरसाइकल र शून्य दशमलव ७ प्रतिशतसँग मात्र कार÷भ्यान र जीप थियो । गतवर्षमा यो तथ्यांक बढेर कुल जनसंख्याको ८ दशमलव ४३ प्रतिशतसँग मोटरसाइकल र शून्य दशमलव ८ प्रतिशतमा कार÷जीप र भ्यान पुग्यो । एउटा बस÷मिनिबस बराबर औसत ४०० जना पर्न आउँदो रहेछ । अहिले अटोमोबाइल बजार सुस्त छ । दैनिक जीवनयापनका लागि अत्यावश्यक भइसकेको सवारीसाधनको संख्या एकदमै न्यून छ । यस्तो अवस्थामा अटोमोबाइल क्षेत्र विलासी कसरी हुन सक्छ ?

अटोमोबाइलले व्यापार घाटा बढाएको भनिन्छ नि ?
गत वर्षको तथ्यांकअनुसार देशमा कुल रू. ८५ अर्ब ६ करोड २२ लाखबराबरको सवारीसाधन आयात भएको छ । यसका लागि अटोमोबाइल व्यवसायीले रू. ८१ अर्ब २० करोड ८९ लाख राजस्व सरकारलाई बुझाएका थिए । व्यवसायीले एउटा गाडी आयात गर्दा तीनओटा गाडीको मूल्यबराबरको राजस्व सरकारलाई बुझाएका छन् । अटोमोबाइल क्षेत्रले व्यापार घाटा बढाएको होइन । यो त अर्थतन्त्रलाई बलियो बनाउने क्षेत्र हो । अत्यावश्यक सामानको आयातमा कडाइ गर्नुभन्दा देशमा उद्योग विकास गरी निर्यात प्रवद्र्धन गर्नु व्यापार घाटा नियन्त्रण गर्ने राम्रो विकल्प हुन सक्छ ।
 
नाडा अटो शो गर्नुको मुख्य उद्देश्य के हो ?
यो मेला गाडीको प्रदर्शनी गर्ने अवसर मात्र होइन । देशको सबैभन्दा ठूलो अर्थतन्त्रको क्षेत्र भएकाले देशकै गरिमाको विषय हो । यसकारण अटोमोबाइलको जानकारीसहित यसको आवश्यकताबारे जानकारी दिने उद्देश्यले यो मेला सञ्चालन भइरहेको छ । ग्राहक र अटोमोबाइलबारे जान्न इच्छुक व्यक्तिका लागि यो राम्रो प्लेटफर्म समेत हो ।


 

प्रतिक्रिया दिनुहोस्