arthik abhiyan
ad banner

‘१० वर्षभित्र सबै विद्यालय सुरक्षित’

Aug 29, 2019 
शिक्षा
NA

सुर्खेत । स्थानीय सरकारको सहयोगमा बृहत् विद्यालय सुरक्षा कार्यविधि कार्यान्वयन गरी १० वर्षभित्र सबै विद्यालय सुरक्षित बनाउन सरोकारवालाले प्रतिबद्धता गरेका छन् । शिक्षा, विज्ञान तथा प्रविधि मन्त्रालयको आयोजनामा वीरेन्द्रनगरमा मंगलवार सम्पन्न भेलाले बृहत् विद्यालय सुरक्षा क्लब गठन गर्ने प्रतिबद्धता गरेको छ । भेलाले विपद् जोखिम व्यवस्थापनसम्बन्धी व्यावहारिक पाठ्यक्रम र पाठ्ययपुस्तक निर्माण गर्ने, तीनवटै तहका सरकारलाई भूकम्प प्रविधिमैत्री विद्यालय निर्माण गर्ने कार्यलाई प्राथमिकतामा राख्न दबाब दिने र विद्यालय सुरक्षा कार्ययोजना अनिवार्य लागू गर्नेलगायत निर्णय समेत गरेको छ । 

भूकम्प प्रविधि राष्ट्रिय समाज (एनसेट)का कार्यकारी निर्देशक सूर्यनारायण श्रेष्ठले विद्यालयलाई सबै खाले जोखिमबाट सुरक्षित बनाउन विद्यालयको बीचमा ज्ञान अनुभवको आदानप्रदान गर्ने, सुरक्षित विद्यालयका बारेमा विद्यमान नीति–नियम, निर्देशन, कार्यविधिका सम्बन्धमा छलफल गर्ने उद्देश्यले भेला उपयोगी रहेको बताए । भेलामा जापानको कोवे शहरस्थित माइको हाइस्कूलका १४ शिक्षक÷विद्यार्थीसहित नेपालका कर्णाली र प्रदेश ५ का १९ जिल्लाका २८ वटा विद्यालयबाट गरी ८५ जनाको सहभागिता थियो । त्यस्तै विभिन्न संघ–संस्थाबाट ४० जना विज्ञको प्रतिनिधित्व थियो । रासस 
 

प्रतिक्रिया दिनुहोस्