ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

राजस्व कार्यालय भरतपुरको कर संकलन लक्ष्य ४३ अर्ब

Sep 3, 2019  
प्रदेश बागमती
Image Not Found
author avatar अभियान संवाददाता

चितवन । आन्तरिक राजस्व कार्यालय भरतपुरले चालू आर्थिक वर्ष २०७६/७७ मा रू. ४३ अर्ब ३८ करोड ७७ लाख राजस्व संकलन गर्ने लक्ष्य पाएको छ । आन्तरिक राजस्व विभागले उक्त कार्यालयलाई गत आवभन्दा करीब रू. १३ अर्ब बढी राजस्व संकलन गर्ने लक्ष्य दिएको हो । कार्यालयले गत आवमा रू. ३० अर्ब ६४ लाख राजस्व संकलनको लक्ष्य पाएको थियो ।

कार्यालयले गत आवमा आयकरतर्फ २ अर्ब २१ करोड, बहाल करतर्फ ६ करोड २४ लाख, ब्याज करतर्फ १० करोड ६८ लाख, मूल्य अभिवृद्धि कर (भ्याट) तर्फ १ अर्ब ६५ करोड ६८ लाख र अन्तःशुल्कतर्फ २६ अर्ब २५ करोड ६१ लाख रुपैयाँ राजस्व संकलन गरेको थियो । यस्तै, सो अवधिमा कार्याालयले शिक्षा सेवा शुल्कतर्फ रू. १ करोड २७ लाख कर उठाएको थियो ।

कार्यालयले तुलनात्मक रूपमा कर संकलन लक्ष्य बढी पाए पनि लक्षित कर संकलन जानकारी दिएको छ । जिल्लामा अन्य करको तुलनामा अन्तःशुल्कको कर संकलन बढी रहेकोले यो लक्ष्य पूरा हुने आकलन गरिएको छ । कार्यालयका सूचना अधिकारी धनीश्वर अर्याल चितवन र नवलपरासीमा मद्यपान र सूर्तीजन्य उद्योगहरू बढी रहेकोले कर संकलनको आधार बलियो रहेको बताउँछन् । 

‘मदिरा र सूर्तीजन्य वस्तुको कर पनि बढेको छ, यससम्बन्धी उद्योगहरू पनि सञ्चालन हुने क्रम बढ्दो छ,’ उनले भने । लक्ष्य अनुसारको कर संकलनको लागि कार्यालयले, बक्यौता उठाउने, करको दायरा बढाउने, जरीवाना गर्ने र राजस्व चुहाबट रोक्ने लगायत कर सम्बन्धी जनचेतना फैलाउने काम गरिने बताएको छ । 

प्रतिक्रिया [0]
प्रतिक्रिया दिनुहोस्