ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

‘भरतपुर विमानस्थल विस्तार एक हप्ताभित्र काम अघि बढाइँदै

Sep 5, 2019  
प्रदेश बागमती
Image Not Found
author avatar सूर्यप्रसाद अधिकारी

चितवन । पर्यटन, संस्कृति एवं नागरिक उड्डयनमन्त्री योगेश भट्टराईले भरतपुर विमानस्थल विस्तारको विकल्प नरहेको बताएका छन् । भरतपुरमा बुधवार आयोजित ‘भरतपुर विमानस्थल विस्तार एवं सुधार सम्बन्धमा सरोकारवालाबीचको अन्तक्रिया’ कार्यक्रममा उनले एक हप्ताभित्र उक्त विमानस्थलको विस्तार र काम स्तरोन्नतिको काम अघि बढाइने जानकारी दिए । यसका लागि विमानस्थल उत्तरपट्टि रहेको सेनाको ब्यारेक तथा घोडा प्रजनन केन्द्र स्थानान्तरण र दक्षिणतर्फका संरचना हटाउनुपर्ने उनले औंल्याए । विमानस्थल विस्तारका लागि पर्यटन मन्त्रालय, रक्षा मन्त्रालय, प्रधानसेनापति, प्रदेशस्तरीय मन्त्रीहरूबीच छलफल गरेर अघि बढिने मन्त्री भट्टराईले बताए ।

कार्यक्रममा सेनाका क्षेत्र नं तीनका मध्य पृतनापति ताराध्वज पाण्डेले विकासका लागि नेपाली सेना बाधक नहुने बताए  । विमानस्थल विस्तारका लागि प्राविधिक समिति बनाएर अघि बढ्न उनले सुझाव दिए  । 

नेकपाका अध्यक्ष पुष्पकमल दाहालले विमानस्थल यथाशीघ्र विस्तार गर्नुपर्नेमा जोड दिए  । ‘यसका लागि अब केन्द्र, प्रदेश तथा स्थानीय सरकार र प्राविधिक समितिको सहकार्यमा कार्ययोजनामा जानुपर्छ,’ उनले भने । प्रदेश नं ३ का मुख्यमन्त्री डोरमणि पौडेलले विमानस्थल विस्तारमा सम्भावित चुनौतीको व्यवस्थापन मुख्य विषय भएको बताए । यस्तै भरतपुर महानगरपालिकाका प्रमुख रेणु दाहालले भरतपुरको बढ्दो शहरीकरण र जनघनत्वसँगै विमानस्थल विस्तारको आवश्यकता रहेको बताइन्  । कार्यक्रममा भरतपुर विमानस्थलका प्रमुख पवन गौतमले विमानस्थलको चुनौती, वर्तमान अवस्था र सम्भावनाका बारेमा जानकारी दिएका थिए  । सोही अवसरमा नागरिक उड्डयन प्राधिकरणका निर्देशक इञ्जिनीयर प्रदीप अधिकारीले उक्त विमानस्थलमा रात्रिकालीन उडानका लागि न्यूनतम १ हजार ६ सय ४२ मिटर धावनमार्ग हुनुपर्ने बताए । विमानस्थलमा अहिले १ हजार २ सय मिटर मात्र धावनमार्ग छ ।

प्रतिक्रिया [0]
प्रतिक्रिया दिनुहोस्