ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

१६ प्रकारका अमेरिकी वस्तुलाई अतिरिक्त कर छूट दिने चीनको घोषणा

Sep 11, 2019  
अन्तरराष्ट्रिय
Image Not Found

भदौ २५, पेचिङ (चीन) । चीनले अमेरिकाबाट आयातित १६ प्रकारका वस्तुहरुलाई अतिरिक्त कर छूट दिएको छ । बुधवार त्यहाँको अर्थ मन्त्रालयले यस्तो घोषणा गरेको हो । योसँगै वस्तुभाउको आहार, क्यान्सर रोगको उपचारमा प्रयोग हुने औषधि र लुब्रिकेन्टजस्ता वस्तुहरुमा अतिरिक्त कर माफी भएको छ । यो छूट सन् २०१९ को सेप्टेम्बर १७ देखि सन् २०२० को सेप्टेम्बर १६ सम्म एक वर्षका लागि लागू हुने बताइएको छ । चीन र अमेरिका बीच आगामी महीना वाशिङटनमा उच्चस्तरीय वार्ताको तयारी भइरहेकै समयमा यस्तो घोषणा भएको हो ।

यसलाई दुुई देशबीच जारी व्यापार विवाद कम गर्न चीन अलि लचिलो भएको संकेतका रुपमा हेरिएको छ । चीनको अर्थ मन्त्रालयको वेबसाइटमा त्यहाँको स्टेट काउन्सिल ट्यारिफ कमिशनले कर छूट दिइएको वस्तुहरुको २ ओटा छुट्टाछुट्टै सूची सूचिकृत गरेको छ । पहिलो सूचीमा माछालाई खुवाइने दाना, क्यान्सरको रोगको निदानमा प्रयोग हुने औषधि लगायत १२ थरी वस्तु छन् । यी वस्तुमा यसअघि लिइएको कर फिर्ता हुने छ । यसका लागि कम्पनीहरुले ६ महीनाभित्रै भन्सारमा आवेदन दिनु पर्ने बताइएको छ ।

दोस्रो सूचीमा भने लुब्रिकेटिङ बेस आयललगायत अन्य तीन वस्तु छन् । यी वस्तुमा लिइएको कर भने फिर्ता हुने छैन । सन् २०१८ को शुरुदेखि नै पेचिङ र वाशिङ्टनले एक अर्काको देशबाट आयातित खर्बौ डलर बराबरको वस्तुमा विभिन्न चरणमा अतिरिक्त महसुल लगाएका छन् । विश्वका २ ठूला अर्थतन्त्रबीचको यस लडाईले वित्तीय बजारमा धक्कमा लागेको छ भने व्यावसायिक र उपभोक्ता मनोबल खस्किएको छ । एजेन्सी

प्रतिक्रिया [0]
प्रतिक्रिया दिनुहोस्