ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

सडक नहुँदा करोडौं मूल्यकोे आलु बारीमै थन्कियो, गाउँपालिका अध्यक्ष भन्छन्–यो वर्ष पुग्छ 

Sep 12, 2019  
प्रदेश ०५
Image Not Found
author avatar अभियान संवाददाता

भदौ २६,प्यूठान  । बजार नपाउँदा प्यूठान जिल्लाका कृषकले लगाएको आलु बारीमै अलपत्र  भएको छ ।

प्यूठानको नौबहिनी गाउँपालिका १ स्याउलीबाङका अधिकांश कृषकले लगाएको करोडौं रुपियाँको  आलु बजार नपाएकै कारण बारीमै कुहिने अवस्थामा रहेको छ । 

यो क्षेत्रमा सडकको पहुँच अझै पुग्न सकेको छैन ।  उक्त गाउँपालिकाका अधिकांश कृषकको आयस्रोत नै आलु रहेको नौबहिनी गाउँपालिकाका कार्य समिति सदस्य लालप्रसाद शेरचनले बताए ।

‘स्याउलीबाङका सबै घरपरिवारले बर्खे आलु अत्पादन गर्छन्, उनले भने, ‘सडकको पहुँच नहुँदा आलुु आफन्तलाई कोसेली दिनुपर्ने र आफैं उपभोग गर्नुपर्ने बाध्यता छ ।’स्थानीय बाग्दुलाबाट स्याउलीबाङ पुग्न ट्रयाक्टरलाई १४ देखि १६ घण्टासम्म लाग्छ ।

स्याउलीबाङमा एक ट्रयाक्टर सामान ढुवानी गर्न रू.३० हजारभन्दा बढी लाग्ने गरेको नौबहिनी गाउँपालिका वडा नं. १ का वडा अध्यक्ष शेर बहादुर सेनले बताए । 

स्याउलीबाङमा करीब ७० घरपरिवारले २५– ३० टन आलु उत्पादन गर्दै आएका छन् । स्थानीय बजारमा आलुको मूल्य प्रतिकिलो रू.४० रहेको छ । स्याउलीवाङमा ५० हेक्टर जमीनमा आलु खेती हुने गरेको छ ।

तर नौबहिनी गाउँपालिकामा कति आलु उत्पादन हुन्छ भन्ने अभिलेख नत  वडा कार्यालयसँग छ नत गाउँपालिकासँग नै छ । गाउँमा सडक नपुगेकाले किसानले वर्षेनी आलु खेतीबाट नोक्सानी व्यहोर्नुपर्ने बाध्यता छ ।

हुन  त नौबहिनी गाउँपालिकाले स्याउलीबाङको आलुलाई  बजारीकरण गर्ने बताउँदै आएको छ ।सडक पहुँच नभएका कारण स्याउलीबाङको अर्गानिक आलुले बजार नपाएको गाउँपालिकाका अध्यक्ष शिव रिजालले बताए ।

उनले भने, ‘हामी यो वर्षभित्र स्याउलीबाङमा सडक पुर्‍याउँछौं, सडक विस्तारपछि आलुले बजार पाउनेछ ।’ 

प्रतिक्रिया [0]
प्रतिक्रिया दिनुहोस्