ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

गृहमन्त्री रामबहादुर थापाका भाईको मुद्दामा थुनछेक बहस शुरु

Sep 16, 2019  
समाचार
Image Not Found
author avatar अभियान संवाददाता

भदौ ३०, काठमाडौं । व्यवसायीलाई धम्क्याउँदै रकम असुल्ने गरेको आरोपमा पक्राउ परेका गृहमन्त्री रामबहादुर थापाका भाई नरेशकुमार थापासहितको बयान लिने कार्य सकिएपछि सोमवारदेखि थुनछेक बहस शुरु भएको छ । काठमाडौं जिल्ला अदालतका न्यायाधीश मेदिनीप्रसाद पौडेलको इजलासमा थुनछेक बहस शुरु भएको हो । थापासँगै पक्राउ परेका ८ जनाविरुद्ध सरकारले केही दिन अघि मुद्दा दायर गरेको थियो ।

यस अघि व्यवसायीलाई धम्क्याउँदै रकम असुल्ने कार्यमा संलग्न रहेका भनिएका समीरमान सिंह बस्नेत हाल कारागारमा रहेका छन् । अनुसन्धानबाट बस्नेतसँग मिलि थापाले पनि आपराधिक लाभको अपराध गरेको आरोप लगाइएको छ । थापासँगै पक्राउ परेकाहरुमा काठमाडौंमा बस्नेहरु पवन खड्का, सुरेन नगरकोटी, बीरबल भट्टराई, शैलेश प्रजापति, मनबहादुर पुनलगायतका छन् ।

थुनछेकको बहस सकिएपछि उनीहरुलाई थुनामा राखी वा धरौटीमा राखी वा साधारण तारेखमा छाडी मुद्दाको कारबाही अगाडि बढाउने भन्ने सम्बन्धमा अदालतले निर्णय गर्नेछ । गृहमन्त्रीका भाई थापाले आफूले बस्नेतलाई कारागारमा भेट्ने गरेको प्रहरीको बयानमा उल्लेख गरेका सम्बद्ध स्रोतले जानकारी दिएको छ ।

नेपाल निर्माण व्यवसायी महासंघका तत्कालीन अध्यक्ष शरदकुमार गौचनको हत्या आरोपमा पक्राउ परेका बस्नेतविरुद्धको मुद्दा पनि हाल अदालतमा विचाराधीन छ । जेलमा बस्दा पनि बाहिरका व्यक्ति प्रयोग गरी रकम असुल्ने गरेको आरोप उनी माथि लाग्दै आएको छ । झण्डै ११ महीना अघि घरबाट कार्यालय जाने क्रममा काठमाडौंको नयाँ वानेश्वरस्थित शान्तिनगरमा गौचनको गोली हानी हत्या गरिएको थियो ।

प्रतिक्रिया [0]
प्रतिक्रिया दिनुहोस्