ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

बेनी–लभ्लीहिल पदमार्ग सञ्चालन

Oct 1, 2019  
यातायात
NA


बेनी । म्याग्दी सदरमुकाम बेनीदेखि पर्यटकीयस्थल लभ्लीहिल जोड्न पक्की पदमार्ग सञ्चालनमा आएको छ । बेनी नगरपालिका–२ मा रहेको लभ्लीहिलमा पर्यटकको आगमन बढाउन बेनी नगरपालिका, म्याग्दी प्रवासी नेपाली संघ (मोना) र म्याग्दी उद्योग वाणिज्य संघको त्रिपक्षीय साझेदारीमा निर्माण गरिएको उक्त पदमार्गको आइतवार प्रतिनिधिसभाका सदस्य भूपेन्द्रबहादुर थापाले उद्घाटन गरेका हुन् । 

बेनीको हाँडेभीरदेखि लभ्लीहिल जोड्ने ६३८ मिटर लामो पक्की पदमार्ग निर्माणमा रू. ७४ लाख ७३ हजार ६०९ खर्च भएको छ । पदमार्ग निर्माणमा म्याग्दी प्रवासी नेपाली संघ (मोना) अन्तराष्ट्रिय समितिले रू. २९ लाख, ८९ हजार ४४४, बेनी नगरपालिकाको रू. ३७ लाख ३६ हजार ८०५ र म्याग्दी उद्योग वाणिज्य संघले रू. ७ लाख ४७ हजार ३६० लगानी गरेको पदमार्ग निर्माण उपभोक्ता समितिका कोषाध्यक्ष सुनीता केसीले जानकारी दिए ।

बेनीको दक्षिणी मोहोडाको शिरमा रहेको लभ्लीहिललाई पर्यटकीय गन्तव्यको रूपमा विकास गर्न निर्माण गरिएको पदमार्गमा रेलिङसमेत निर्माण गरिएको पदमार्ग निर्माण समितिका संयोजकसमेत रहेका म्याग्दी उद्योग वाणिज्य संघका अध्यक्ष उत्तमकुमार कर्माचार्यले जानकारी दिए । जिल्लाको सामाजिक क्षेत्रमा सहकार्य गर्दै आएका प्रवासी म्याग्देलीले विकास निर्माण र पर्यटन विकासमा समेत सरकारी र निजीक्षेत्रसँग साझेदारी गरी निर्माण गरिएको यस परियोजनाले जिल्लामा लगानीको ढोका खुलेको मोनाका अध्यक्ष चक्रबहादुर थापाले बताए । यस योजनाले जिल्लामा प्रवासीको सामाजिक क्षेत्रमा सँगै पूर्वाधार, पर्यटन विकास र सम्भावनाको उजागर हुने क्षेत्रमा सहयोगसँगै लगानीसमेत भित्रने वातावरण तयार गरेको उनको भनाइ छ ।
 

प्रतिक्रिया [0]
प्रतिक्रिया दिनुहोस्