ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

पूर्व कप्तान गांगुली भारतीय क्रिकेट नियन्त्रण बोर्डको अध्यक्ष  बन्दै  

Oct 14, 2019  
खेल विविध
Image Not Found

असोज २७, नयाँदिल्ली (भारत) । भारतीय क्रिकेट नियन्त्रण बोर्ड(बीसीसीआई) को अध्यक्षमा पूर्व कप्तान सौरभ गांगुली नियुक्त हुने निश्चित भएको छ । 

बोर्डका कार्यवाहक अध्यक्ष सिके खन्नाले सोमवार गांगुलीलाई बोर्डको अध्यक्ष भएकामा बधाई दिएका  छन् । बीसीसीआईको अध्यक्ष एवं अन्य पदाधिकारीका लागि उम्मेदवारी दर्ता गर्ने अक्टोबर १४ अर्थात् सोमवार अन्तिम दिन थियो ।

बोर्डको बैठक एवं चुनाव आगामी अक्टोबर २३ मा हुनेछ, तर अध्यक्ष पदमा गांगुलीको मात्र उम्मेदवारी परेका कारण उनी स्वतः अध्यक्षमा चयन हुनेछन्  ।

भारतीय क्रिकेटमा निकै शक्तिशाली एवं स्रोतसाधन सम्पन्न मानिने बोर्डको अध्यक्षमा अनुभवी क्रिकेट खेलाडी सौरभ गांगुलीको चयन हुनु गर्वको विषय हो, खन्नाले भनेका छन् ।  

 खन्नाले बंगाल क्रिकेट संघका अध्यक्ष एवं क्रिकेट सल्लाहकार समितिका सदस्य समेत रहेका गांगुलीले भारतीय क्रिकेटलाई अझ नयाँ उचाईमा पुर्‍याउने विश्वास व्यक्त गरेका छन् ।

यसैगरी ब्रिजेस पटेललाई आईपीएलको अध्यक्षमा चयन गरिएको छ । भारतीय केन्द्रीय गृहमन्त्री अमित शाहका छोरा अजय शाह भने बोर्डको सदस्य सचिव हुनेछन् । रासस / एएनआई
 

प्रतिक्रिया [0]
प्रतिक्रिया दिनुहोस्