ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

टालटुले सुधार

Nov 8, 2019  
सम्पादकीय
NA

बुधबार नेपाल वायुसेवा निगमका कार्यकारी अध्यक्ष मदन खरेलले पत्रकार सम्मेलनमार्पmत निगमको अन्तरराष्ट्रिय उडान विस्तार र अल्पकालीन सुधारका योजना सार्वजनिक गरे । वित्तीय संकटमा रहेको राष्ट्रिय ध्वजावाहकले आगामी ४ महीनाभित्र तीन अन्तरराष्ट्रिय गन्तव्यमा उडान शुरू गर्ने उनले बताए । दुईओटा वाइड बडी विमानलाई पूर्णरूपमा सञ्चालन गर्न नसकी विमान किन्दाको किस्ता तिर्न नसकेकाले निगम व्यवस्थापनको निकै आलोचना भइरहेको छ । यस्तोमा निगम व्यवस्थापनले खर्च कटौती गर्ने टालटुले योजना सार्वजनिक गरेको छ ।

व्यवसाय विस्तार गरेर मात्रै निगमलाई बचाउन सकिन्छ, खर्चमा केही नियन्त्रण गरेर होइन । निगमको सञ्चालन खर्च बढी छ । यस्तोमा वार्षिक २ अर्ब रुपैयाँ जोगाउँदा निगमलाई थोरै राहत होला तर संकटबाट मुक्ति पाउन भने कुनै भूमिका खेल्नेछैन । खर्च नियन्त्रण गर्न निगम व्यवस्थापन सफल भयो भने पनि सुधारको सानो पक्ष मान्न सकिन्छ । तर, वित्तीय संकटमा फसिसकेको र ३७ अर्ब ऋण बोकेको संस्थालाई यस्तो टालटुले सुधार होइन, साहसिक खालको सुधारको आवश्यकता छ । सरकार र निगमले अघि सारेको सुधारको योजना हेर्दा त्यस्तो सुधार भइहाल्ने अपेक्षा भने गर्न सकिँदैन ।

उडान विस्तारसँग निगमको व्यवस्थापन चुस्त पनि हुनुपर्छ । त्यस्तै बजारीकरणमा पनि निगम अब्बल देखिनुपर्ने हो । तर, समयमा नउड्ने, कम यात्रु भए भनेर उडान नै स्थगित गर्ने जस्ता पुराना रोगबाट निगम मुक्त हुन सकेको छैन ।

जापानको ओसाका उडानबाट उत्साहित नेवानिले त्यहाँका अन्य शहरमा पनि उडान विस्तार गर्ने नीति लिएको छ । तर, निगमले दाबी गरेजस्तो त्यहाँबाट मुनाफा भएको भने देखि“दैन । तैपनि जापान सकारात्मक रहेकाले त्यहाँका थप गन्तव्यमा उडान हुन सक्छ । चीनको क्वाङचाउको उडान भने कार्यकारी अध्यक्षले दाबी गरे अनुसार भइहाल्नेमा आशंका छ । चिनियाँ पक्षले विभिन्न बहाना गर्दै उडान अनुमति दिन ढिलाइ गरेकामा विश्वसनीय थप आधार केही पनि बनेको देखि“दैन ।

उडान विस्तारसँग निगमको व्यवस्थापन चुस्त पनि हुनुपर्छ । त्यस्तै बजारीकरणमा पनि निगम अब्बल देखिनुपर्ने हो । तर, समयमा नउड्ने, कम यात्रु भए भनेर उडान नै स्थगित गर्ने जस्ता पुराना रोगबाट निगम मुक्त हुन सकेको छैन । त्यसो त आन्तरिक उडानमा यात्रुले टिकट नपाएको र विमान रित्तै उडेको गुनासो पनि आइरहेको छ । जनताले निगमलाई माया गरेर पनि निगमको अव्यावसायिक कार्यशैलीमा भने सुधार आउन नसकेको देखिन्छ ।

कम तेल बोक्ने, सस्तो ठाउँमा तेल किन्ने जस्ता सामान्य सुधारका कुरा निगमले उठाएको छ । त्यस्तै इन्जिनीयरिङ खर्च जोगिएको पनि निगमको दाबी छ । तर, इन्जिनीयरिङकै काममा निगममा प्रशस्त भ्रष्टाचार हुने गरेको समाचार विगतमा प्रशस्त पाइन्थे । अहिले निगमले गरेको गरेको दाबी पत्याइहाल्ने ठोस काम भएको भने छैन । यस्तोमा केही काम गरेको जस्तो देखाउन निगमको व्यवस्थापन सफल त होला तर वास्तविक सुधार भने आउन सक्ने देखि“दैन ।

निगममा व्यावसायिक संस्कृतिको अभाव नै ठूलो समस्या हो । त्यसलाई सुधार गर्न निगम व्यवस्थापनले कहिल्यै चासो दिएन । त्यसैले निगमको उच्च व्यवस्थापनलाई मुलुकको राजनीतिक नेतृत्वले समेत पत्याउन सक्ने अवस्था देखि“दैन ।

निगमको सुधारका लागि पर्यटनमन्त्री योगेश भट्टराईले कार्यदल नै गठन गरेका थिए । निगमको सुधारका लागि गठित यो कार्यदल सातौं हो । तर, विगतमा ६ ओटा कार्यदलका सुझाव आजसम्म लागू भएनन् । अघिल्ला कार्यदलको सुझावसमेत अध्ययन गरेर कार्यदलले दिएका सुझाव कार्यान्वयन गर्न आ“टेको देखि“दैन । निगमलाई दुहुनो गाई बनाइरहन पाइने लोभका कारण नै सरकारले सुधारका लागि साहसिक निर्णय लिन नसकेको धेरैको ठम्याइ छ ।

नेपालले सन् २०२० लाई नेपाल भ्रमण वर्ष मनाउ“दै छ । यसको सफलताका लागि राष्ट्रिय ध्वजावाहक विमान कुशल व्यवस्थापनका साथ बढीभन्दा बढी अन्तरराष्ट्रिय गन्तव्यमा पुग्नु अपरिहार्य छ । अतः निगमको दीर्घकालीन सुधारका लागि सरकारले हस्तक्षेप गर्नु आवश्यक भइसकेको छ । त्यसैले निगम सुधारका लागि गठित पछिल्लो कार्य दलको सुझावलाई कार्यान्वयन गर्न सरकारले साहस गर्न सक्नुपर्छ ।

प्रतिक्रिया [0]
प्रतिक्रिया दिनुहोस्