ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

वैदेशिक रोजगारी छाडेर व्यावसायिक कुखुरापालनमा युवा रोशन तिवारी

Nov 8, 2019  
गण्डकी प्रदेश
Image Not Found
author avatar रोशन तिवारी

पर्वत । पर्वतको फलेवास नगरपालिका–६ देवीस्थानका विश्वविक्रम श्रेष्ठले वैदेशिक रोजगारीबाट फर्र्र्किएर गाउँमै कुखुरापालन शुरू गरेका छन् । गाउँमै स्वरोजगार उद्यमी बन्ने सोचले व्यावसायिक कुखुरापालन थालेका हुन् । १५ लाख रुपैयाँ लगानीमा आपूmले यो व्यवसाय शुरू गरेको उनले बताए । पोल्ट्रीबाट राम्रो मुनाफा लिन सकिने देखेपछि यस क्षेत्रमा हात हालेको श्रेष्ठको भनाइ छ । आप्mनो फार्ममा अहिले १ हजार लोकल कुखुरा रहेको उनले बताए । ‘विकसित जातको तुलनामा लोकल कुखुराबाट राम्रो आम्दानी हुने थाहा पाएँ,’ उनले भने, ‘व्यवसाय थालेको एक वर्षको अवधिमा राम्रै आम्दानी हुने संकेत मिलेको छ ।’

जिल्लामा ब्रोइलर र लेयर्स जातका कुखुरापालन गर्ने व्यवसायी बढ्दै गएका छन् । यससँगै स्थानीय जातका कुखुरा गाउँघरमा हराउन थालेका छन् । प्रतिस्पर्धाको हिसाबले समेत उपयुक्त भएपछि आपूmले लोकल कुखुरा पाल्ने निर्णय गरेको श्रेष्ठले बताए । जिल्लामै आप्mनो बाहेक अन्यत्र स्थानीय कुखुराको व्यावसायिक फार्म नभएको दाबी समेत उनले गरे । ‘गाउँघरमा एक–दुईओटा किन्न पाइन्छ,’ उनले भने, ‘तर धेरै परिमाणमा चाहिनेले यहीँबाट लैजाने गरेका छन् ।’ श्रेष्ठले दाङको देउखुरीबाट कुखुराका चल्ला ल्याएर व्यवसाय शुरू गरेका हुन् । उनले व्यवसायको विविधीकरण समेत गर्दै लगेका छन् । कुखुरापालनसँगै उनले तरकारीको टनेल र होटल समेत थपेका छन् । गाउँमै परिश्रम गर्न सके पैसा कमाउनकै लागि विदेश जानु नपर्ने उनको अनुभव छ । रोजगारीका लागि विदेश जानुभन्दा सानोतिनो भए पनि स्वरोजगार हुने खालको काम आप्mनै गाउँ–ठाउँमा गर्न उनले अन्य युवालाई सुझाउँदै आएका छन् ।

कुश्मा–हुवास सडक खण्डको छेउमै फार्म सञ्चालन गरेका श्रेष्ठले कुखुरा विक्रीका लागि बजारको अभाव नभएको सुनाए । ‘बाटो नजिकै भएकाले यात्रुहरूले नै किनेर लैजान्छन्,’ उनले भने, ‘अहिलेसम्म बजार खोज्दै हिँड्नुपरेको छैन ।’ यो व्यवसायबाट १ वर्षको अवधिमा सबै खर्च कटाएर आपूmले डेढ लाख रुपैयाँ आम्दानी गरेको उनले बताए । कुखुराको दानाका लागि उनले स्थानीयस्तरमै पाइने कोदो, मकै, धान लगायत अनाज जुटाउने गरेका छन् । यसले लागत घटाउन टेवा पुगेको उनको भनाइ छ । आपूmले उत्साहका साथ यो व्यवसायमा लगानी गरे पनि सम्बन्धित निकायबाट भने कुनै सहयोग नपाएको गुनासो उनले गरेका छन् ।

प्रतिक्रिया [0]
प्रतिक्रिया दिनुहोस्