ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

हम्पाल क्षेत्रको पूर्वाधार निर्माण गर्न संभाब्यता अध्ययन शुरु

Nov 9, 2019  
गण्डकी प्रदेश
Image Not Found
हम्पालको अध्ययन अवलोकनमा गएका अनुसन्धानकर्ता र पर्वतका जनप्रतिनिधिहरुको टोली । तस्वीर : रोशन तिवारी / आर्थिक अभियान
author avatar रोशन तिवारी

कात्तिक २३, पर्वत ।  पर्वतको धार्मिक, पर्यटकीय तथा पर्यावरणीय दृष्टिले महत्वपूर्ण मानिएको हम्पाल क्षेत्रको संभाब्यता अध्ययन शुरु गरिएको छ । 

जलजला गाउँपालिकाले हम्पालमा केवुलकार सञ्चालन गर्ने, सिमसार क्षेत्र घोषणा गर्ने, धार्मिक, पर्यटकीय र जैविक विविधताको अनुन्धान केन्द्र बनाउने नीति लिए अनुसार यसको संभाब्यता अध्ययनको काम शुरु  भएको हो ।

समुन्द्री सतहदेखि ३ हजार ३०० मिटर उचाईमा रहेको यो क्षेत्रमा ताल निर्माणका साथै आकर्षक रिसोर्टहरु संचालन गर्ने र निलकण्ठेश्वर महादेवको मन्दिरको पुर्नर्निमाण गरि धार्मिक पर्यटकलाई आकर्षित गर्ने योजना छ । 

गाउँपालिकाले हम्पाल क्षेत्रको डीपीआर तयार गरि अर्को आर्थिक वर्षमा पूर्वाधार निर्माणको काम शुरु गर्ने तयारी गरेको अध्यक्ष यामबहादुर मल्लले बताए ।

राष्ट्रिय सभाका अध्यक्ष गणेशप्रसाद तिमिल्सिना, गण्डकी प्रदेशका उद्योग, पर्यटन, वन तथा वातावरण मन्त्री विकास लम्साल र प्रतिनिधिसभा सदस्य पदम गिरी सहितका नेताहरुले  गत बुधवार अवलोकन गरि आवश्यक सहयोग र समन्वय गर्ने प्रतिबद्धता व्यक्त गरेका छन् । 

हिन्दु धर्मावलम्बीहरुको धार्मिक ग्रन्थ रामायणमा कालञ्जर पर्वतको रुपमा व्याख्या गरिएको हम्पाल क्षेत्रको धेरै भूभाग जलजला गाउँपालिका ५ लेकफाँट र ६ शालीजामा फैलिएको छ । पर्वतको सबैभन्दा उच्च स्थान जलजलाबाट हिमश्रृंखला, सुर्योदय, सुर्यास्त र पहाडी भूगोलको मनोरम दृष्य अवलोकन गर्न सकिन्छ ।

धौलागिरि, अन्नपूर्ण, निलगिरि, गुर्जा, पुथा, माछापुछ्रे, मनास्लु लगायत १६ भन्दा बढी हिमाल, तथा १० ओटा जिल्लाको अवलोकन गर्न सकिन्छ । लालीगुराँसको जंगल रहेको हम्पालमा पोखरी आकारको ठूलो फाँट रहेको छ । त्यहाँ बाँध बाँधेर तलाउ बनाउने विषयमा संभाब्यता अध्ययन गरिने भएको छ ।

निरमसी, पाँचऔलो सतुवा लगायत बहुमूल्य जडीवुटीहरु प्रशस्त पाईने जलजला क्षेत्रको जंगलमा मृग, घोरल, चितुवा, भालू, डाँफे, मुनाल, कालीज लगायत पशुपंक्षी रहेका छन् ।


 

प्रतिक्रिया [0]
प्रतिक्रिया दिनुहोस्