ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

सोमवार उद्घाटन हुँदै ६० मेगावाटको माथिल्लो त्रिशूली थ्री ‘ए’ जलविद्युत् आयोजना        

Nov 17, 2019  
समाचार
Image Not Found

मंसिर १, काठमाडौं । माथिल्लो त्रिशूली थ्री ‘ए’ जलविद्युत् आयोजनाको उद्घाटन  औपचारिक रुपमा आगामी सोमवार हुने भएको छ ।
गत चैतदेखि नियमित विद्युत् उत्पादन शुरु गरेको सो आयोजनाको उत्पादन क्षमता ६० मेगावाट  रहेको छ ।

प्रधानमन्त्री केपी शर्मा ओलीले प्रधानमन्त्री तथा मन्त्रिपरिषद्को कार्यालयमा रहेको ‘एक्शन रुम’ बाट आयोजनाको उद्घाटन गर्ने नेपाल विद्युत प्राधिकरणले बताएको छ । आयोजना पूर्णरूपमा सञ्चालनमा आएपछि आयोजनाबाट मुलुकभित्र खपत हुने ऊर्जामा करीब आठ प्रतिशतको योगदान रहने छ । 

अनुमानित लागत रू.१२ अर्ब ६० करोड (१२ करोड ५८ लाख डलर) रहेको आयोजना नेपाल सरकार एवं प्राधिकरणको लगानी र चिनियाँ आयात निर्यात बैंकको सहुलितपूर्ण ऋणमा निर्माण भएको हो ।  

  इञ्जिनीयरिङ, खरिद र निर्माण (ईपीसी) ढाँचामा विद्युतगृह, बाँध, सुरुङलगायतका संरचना र इलेक्ट्रोमेकानिकल तथा हाइड्रो मेकानिकलको काम गर्ने गरी चिनियाँ कम्पनी गेजुवासँग विसं २०६७ साल जेठ १४ गते ठेक्का सम्झौता भएको थियो ।

प्राधिकरणका अनुसार सो आयोजनाबाट करीब नौ महीना पूर्ण क्षमतामा विद्युत् उत्पादन हुनेछ । यस्तै हिउँदका तीन महीना आयोजनाले ४५ मेगावाट विद्युत् उत्पादन गर्नेछ ।
आयोजनाले विद्युत् विक्रीबाट वार्षिक करीब रू.५ अर्ब आम्दानी गर्नेछ । 

आयोजनाबाट उत्पादित विद्युत् त्रिशूली–काठमाडौं २२० केभी क्षमताको प्रसारण लाइनमार्फत राष्ट्रिय प्रसारण प्रणालीमा जोडिएको छ ।  रासस
 

प्रतिक्रिया [0]
प्रतिक्रिया दिनुहोस्