मंसिर ४, काठमाडौं । विद्युतीय बस खरीद अरु बसभन्दा तुलनात्मकरूपमा महङ्गो भए पनि यसको सञ्चालन खर्च कम हुने पाइएको छ । सुन्दर यातायातले हाल चक्रपथमा सञ्चालन गरिरहेका बसमा पेट्रोलियम पदार्थमा हुने खर्चभन्दा विद्युत् खपतवापत लाग्ने शुल्क पाँच गुणा कम हुने गरेको छ ।
डिजेलबाट चल्ने बस औसत छ पटक चक्रपथ घुम्दा दैनिक रू. चार हजारसम्मको इन्धनमा खर्च हुन्छ । विद्युतीय सवारीसाधन चार्ज गर्दा महसुलवापत दैनिक झण्डै रू. ७५० खर्च हुने प्रालिका अध्यक्ष भेषबहादुर थापाले बताए । जनशक्तिका लागि लाग्ने खर्च भने दुवैमा बराबर नै रहेको उनको भनाइ छ । खरीद मूल्य बढी भए पनि सञ्चालन खर्च कम रहेकाले प्रालिले अहिले यात्रुबाट लिने भाडामा पनि सहुलियत दिइरहेको छ ।
उनले भने, ‘सरकारले सार्वजनिक यातायातका लागि निर्धारण गरेको भाडादरमा हामीले २० प्रतिशत छुट दिइरहेका छौँ ।’ विद्युतीय सवारी साधन चार्ज गर्नका लागि बनाइएका निजी संस्थाले निर्माण गरेका ‘चार्जिङ स्टेशन’ लाई सहुलियत दिने सरकारले व्यवस्था गरेको छैन । ‘चार्जिङ स्टेशन’ लाई सहुलियत दिँदा सञ्चालन खर्च कम हुने र यात्रुलाई अझै छुट दिन सकिने उनले बताए । दुई महीना पहिलेदेखि प्रालिले चार ओटा विद्युतीय बस चक्रपथमा सञ्चालन गरिरहेको छ । यही वर्ष २५ बस थप्ने उक्त प्रालिको योजना छ । रासस
SARKAR NEPAL MA PETROL KO KHANI XAHINA P/S FOCUS ON ELECTRICITY VEHICLE.COMMISSION AAHUXA KI VHANERA PETROL KO BISTAR HOHINA GHATAUNE TIRE LAGAU. HAMI AAJAI BATA AAFAI BATA EMANDAR HAU
तनहुँका ३ ओटा सडकको स्तरोन्नतिका लागि ७५ करोड सहयोग
तरकारी व्यवसायबाट आत्मनिर्भर बन्दै कुमालखाडावासी
३ अर्ब २७ करोडको शेयर कारोबार भएको बजारमा सर्वाधिक हिस्सा नेपाल बैंकको (२ बजेको अपडेट)
सपोर्ट लघुवित्त वित्तीय संस्थाको साधारण सभा चैत २० गते
पाँचथर पावर कम्पनीको साधारण सभा सोमवार हुँदै
