अभियान संवाददाता
मंसिर १६, काठमाडौं । सोमवार नेप्से परिसूचक घटेर बन्द भएको छ । गत कारोबार दिन सामान्य सुधार देखिएको नेप्से परिसूचक यस दिन भने शून्य दशमलव ८६ अंक घटेर १ हजार १११ दशमलव ९९ विन्दुमा बन्द भएको हो ।
सोमवार नेप्से परिसूचक कारोबारको पहिलो एक घण्टाको अवधिसम्ममा यस दिनकै न्यून विन्दु १ हजार ११० दशमलव ९८ मा पुगेको थियो । सो पश्चात उकालो लागेको नेप्से परिसूचक दोस्रो घण्टाको अवधिमा बढेर १ हजार ११३ को विन्दुसम्म पुगेको थियो ।
सो विन्दुपश्चात ओरालो लाग्ने क्रममा यस दिनको बजार गत कारोबार दिन आइतवारको तुलनामा शून्य दशमलव शून्य ८ प्रतिशत घटेर बन्द भएको छ ।
सोमवार कारोबारमा आएका १२ समूहको परिसूचकमध्ये बैंकिङ, व्यापार र जलविद्युत् समूहको परिसूचक बाहेक बाँकी सबै समूहको परिसूचक घटेर बन्द भएको छ ।
बढेर बन्द हुनेमा व्यापार समूहको परिसूचक सर्वाधिक ३ दशमलव २० प्रतिशत बढेको छ भने जलविद्युत् समूहको शून्य दशमलव २४ र बैंकिङ समूहको शून्य दशमलव ११ प्रतिशत घटेको छ ।
त्यसैगरी घटेर बन्द हुनेमा जीवन बीमा समूहको परिसूचक सर्वाधिक १ दशमलव २६ प्रतिशत घटेको छ । यस्तै, होटल विकास बैंक, वित्त, निर्जीवन बीमा, उत्पादन तथा प्रशोधन, ‘अन्य’, लघुवित्त र म्युचुअल फन्ड समूहको परिसूचक १ प्रतिशतभन्दा कम घटेका छन् ।
सोमवारको कारोबार
सोमवार रू. २३ करोड २२ लाख बराबरको शेयर कारोबार भएको छ । यो अघिल्लो कारोबार दिनको तुलनामा १२ दशमलव ५८ प्रतिशत बढी हो ।
गत कारोबार दिन आइतवार रू. २० करोड ६३ लाख रकम बराबरको कारोबार भएको थियो । सेन्सेटिभ इन्डेक्स भने यस दिन शून्य दशमलव ४४ अंक घटेर २४५ दशमलव ७१ विन्दुमा पुगेर बन्द भएको छ ।
नेशनल माइक्रोफाइनान्सको शेयरमूल्यमा सर्किट
सोमवार नेशनल माइक्रोफाइनान्सको शेयरमूल्यमा सकारात्मक सर्किट लागेको छ । कम्पनीको शेयरमूल्य सर्वाधिक ९ दशमलव ९६ प्रतिशत बढेको हो ।
कम्पनीको शेयरमूल्यमा रू.१०२ ले वृद्धि हुँदा अन्तिम शेयरमूल्य प्रतिकित्ता रू.१ हजार १३१ पुगेको छ ।
यस्तै माहुली सामुदायिक लघुवित्तको शेयरमूल्य ७ दशमलव ८३ प्रतिशत बढेर कारोबार हुँदा अन्तिम शेयरमूल्य प्रतिकित्ता रू.८९५ कायम रहेको छ । शेयरमूल्य घटेर कारोबार हुनेमा अरुण कावेली पावरको शेयरमूल्य ६ दशमलव ५५ प्रतिशत घटेर रू. ११४ मा सिमित भएको छ ।
शाईन रेसुङ्गा विकास बैंकको शेयरमूल्यमा प्रतिकित्ता रू. १४ ले घटेर अन्तिम शेयरमूल्य रू. २२७ कायम रहेको छ । कम्पनीको शेयरमूल्यमा ५ दशमलव ८० प्रतिशत कमी भएको हो ।
१२ समूहको परिसूचक
एनएमबि बैंकको सर्वाधिक कारोबार
सोमवार एनएमबि बैंकको सर्वाधिक शेयर कारोबार भएको छ । कम्पनीको ५० हजार ४५६ कित्ता शेयरको खरीदविक्री हुँदा रू.१ करोड ९३ लाख रकम बराबरको शेयर कारोबार भएको छ ।
कम्पनीको अन्तिम शेयरमूल्य रू.३८५ रहेको छ ।
कारोबार रकमकै आधारमा दोस्रोमा नेपाल लाईफ इन्स्योरेन्सको रू.१ करोड ३५ लाख बराबरको शेयर कारोबार भएको छ ।
कम्पनीको शेयरमूल्य प्रतिकित्ता रू.८३२ मा सिमित रहेको छ । यस दिन कारोबारमा आएका १६४ कम्पनीमा ७० कम्पनीको शेयरमूल्य बढेको छ भने ७३ कम्पनीको घटेको छ । साथै, २१ कम्पनीको शेयरमूल्य भने स्थिर रहेको छ ।
मंगल ग्रहमा १० लाख मानिस पठाउने मस्कको लक्ष्य
चिनियाँ अर्थतन्त्र २९ वर्षयताकै सुस्त
प्रभु इन्स्योरेन्सको २४ औं वार्षिक साधारण सभा माघ २४ मा
सिन्धु विकास बैंकको साधारण सभा स्थगित
वीरगञ्जमा सोमवारबाट प्रदेश स्तरीय जुत्ताचप्पल मेला
