ई –पेपर | विज्ञापन | ग्राहक बन्नुहोस | Podcast
arthik abhiyan
Real Dabur NepalApache RTR 200 ABS

पप्पुलाई कालो सूचीमा राख्ने प्रक्रिया रोक्न अदालतको आदेश 

Dec 2, 2019  
समाचार
Image Not Found
author avatar ओमप्रकाश खनाल

मंसिर १६, काठमाडौं । पप्पु कन्स्ट्रक्सनलाई कालो सूचीमा राख्ने प्रक्रियालाई यथास्थितिमा राख्न काठमाडौं जिल्ला अदालतले आदेश दिएको छ । 

काठमाडौं उपत्यका सडक विस्तार आयोजनाले काठमाडौंको तीनकुने पुलको ठेक्का तोडेर कालोसूचीमा राख्ने प्रक्रिया बढाएपछि निर्माण व्यावसायीले हालेको मुद्दामा अदालतले शुक्रवार यस्तो आदेश गरेको हो । 

आयोजनाले काठमाडौंको तीनकुनेस्थित बागमती पुलको ठेक्का तोडेर कालोसूचीमा राख्न सार्वजनिक खरीद अनुगमन कार्यालयलाई सिफारिस गरेपछि पप्पु अदालत गएको थियो । 
पप्पु कन्स्ट्रक्सनले सडक विभाग, आयोजना र सम्बद्ध वित्तीय संस्थालाई विपक्षी बनाएर निषेधज्ञा माग गर्दै काठमाडौं जिल्ला अदालतमा मुद्दा हालेको थियो ।

अदालतले अल्पकालीन अन्तरिम आदेश जारी गर्दै निर्माण कम्पनीको बैंक जमानत जफत नगर्न आदेश दिएको छ । अदालतले सडक विभाग, सडक विस्तार आयोजनालगायतका विपक्षीलाई १५ दिनभित्र आ-आफ्नो प्रमाणसहित उपस्थित हुन भनेको छ । 

सडक विभागले गत मंसिर ४ गते ठेक्का तोडेको सूचना निकालेको थियो । निर्माण कम्पनीले भने आयोजनाले ठेक्का तोड्नुअघि नै मंसिर २ मा ठेक्का तोडेको सूचना दर्ता गराइएको बताएको छ । 

आयोजना प्रमुख अर्जुन अर्यालले भने पप्पुले डिजाइनअनुसार काम नगरेको र काममा अति ढिलाइ गरेकाले ठेक्का तोडेर कालोसूचीमा राख्न सिफारिस गरिएको बताएका छन् । 

कालो सूचीमा राख्न सार्वजनिक खरीद अनुगमन कार्यालय आयोजनाको सिफारिसलाई स्वीकृत गर्नु पर्दछ । त्यसअघि बैंक जमानत जफत गरिन्छ । अदालतले तत्कालका लागि यो प्रक्रिया अघि नबढाउन भनेको छ । 
 

प्रतिक्रिया [1]
User Image

Arpan pandit

[Dec 2, 2019 01:16pm]

So what about the bridge construction, who will be responsible to bear cost of project.


प्रतिक्रिया दिनुहोस्