ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

पोखरामा क्यान इन्फोटेक मेला आजदेखि

२०७६ फागुन, ११  
बजार
Image Not Found
author avatar अभियान संवाददाता

पोखरा । कम्प्युटर एशोसिएशन नेपाल (क्यान) महासंघ कास्की शाखाले आइतवार (आज)देखि क्यान इन्फोटेक मेला आयोजना गर्दैछ । ११औं संस्करणको गण्डकी प्रदेश स्तरीय ‘प्रभु–पे क्यान इन्फोटेक–२०२० इन एशोसिएशन विथ वल्र्डलिंक’ फागुन १५ गतेसम्म पोखराको नयाँबजारस्थित प्रदर्शनी केन्द्रमा हुँदैछ । 

इन्फोटेकले सूचना तथा प्रविधिको क्षेत्रमा महत्वपूर्ण योगदान पुर्‍याउने आयोजक संस्था क्यान कास्कीका अध्यक्ष रुक्मांगत भण्डारी विश्वासले बताए । ‘कम्प्युटर तथा सूचना प्रविधिसम्बन्धी भएका अत्याधुनिक एवं नवीनतम प्रविधिको जानकारी दिँदै ग्रामीण क्षेत्रसम्म यसको पहुँच पुर्‍याउने लक्ष्यका साथ इन्फोटेक आयोजना गरिएको हो,’ उनले भने । 

इन्फोटेकमा बृहत् सूचना प्रविधि प्रदर्शनी, मेला अवधिभर आईसीटी कन्फरेन्स, प्रदेश तथा जिल्ला स्तरका टाइपिङ प्रतियोगिता, आईसीटी वक्तृत्वकला प्रतियोगिता, विद्यालयस्तरीय जिल्ला तथा प्रदेशस्तरीय  आईटी क्विज कन्टेस्ट आयोजना गरिने अध्यक्ष भण्डारीले जानकारी दिए । 

आइसीटी रोजगारी फर्म वितरण तथा तालीमको व्यवस्था, कम्प्युटर तथा ल्यापटपको निःशुल्क मर्मत सेवा, आईसीटी क्षेत्रमा स्थानीयस्तरबाट गरिएका उत्पादनको प्रदर्शनी, रोबर्ट प्रदर्शनी एवं प्रतियोगिता तथा अन्य आईसीटीसँग सम्बन्धित नवीनतम गतिविधिहरूको प्रदर्शनी गरिनेछ । यस्तै मोबाइल गेमिङ, वैज्ञानिक आईसीटी उपकरण प्रदर्शनी एवं नवीनतम प्रविधिका मोबाइलहरूको प्रदर्शनी तथा विक्री वितरण पनि इन्फोटेकमा गरिनेछ । 

‘मेड इन नेपाल एक्स्पोजर’ मेलाको मुख्य विशेषता भएको अध्यक्ष भण्डारीले बताए । त्यसअन्तर्गत प्रडक्ट र सोलुशनसँग सम्बन्धित व्यक्ति वा संस्थाले आप्mना नयाँ प्रडक्ट र आइडियाको प्रदर्शनी गर्ने उनले बताए । 

क्यान महासंघले यसका निम्ति सार्वजनिक सूचना निकालेरै यससँग सम्बन्धित व्यक्ति वा संस्थालाई सहभागी हुन आह्वान गरेको महासंघले बताएको छ । सहभागीहरूलाई क्यान इन्फोटेकमा विभिन्न सुविधा र उत्कृष्टलाई नेशनल आईसीटी–डेको अवसर पारेर पुरस्कृत गरिने महासंघका सचिव सेवक क्षितिजले जानकारी दिए ।

मेला अवधिभर शिक्षित बेरोजगारलाई लक्षित गरेर आईसीटी क्षेत्रमा रोजगारी फर्म भर्ने व्यवस्था मिलाइएको छ । जस  अन्र्तगत हेल्प डेस्क, ग्राफिक्स डिजाइन तथा हार्डवयर एन्ड नेटवर्कसम्बन्धी आवश्यक ज्ञान भएका तर रोजगारको अवसर नभएकाहरूलाई यो अवसर प्रदान गरिएको सचिव क्षितिजको भनाइ छ । 

करीब ३५ लाख रुपैयाँ आम्दानी गरी ३० लाख रुपैयाँ खर्च कटाएर ५ लाख रुपैयाँ बचत गर्ने आयोजकको लक्ष्य छ । बचत रकमलाई विगतजस्तै सूचना तथा प्रविधिको विकासमा खर्च गरिने प्रथम उपाध्यक्ष आशिष गुरुङले जानकारी दिए । 

प्रतिक्रिया [0]
प्रतिक्रिया दिनुहोस्