arthik abhiyan
ad banner Mango Tech Digital Marketing Solution

खजुरामा औद्योगिक ग्राम निर्माण हुँदै

२०७६ मंसिर, २०  
प्रदेश ०५
Image Not Found
author avatar अभियान संवाददाता

मंसिर २०, नेपालगञ्ज । बाँकेको खजुरा गाउँपालिकामा औद्योगिक ग्राम निर्माण हुने भएको छ । स–साना उद्योगलाई एकिृकत गरी उत्पादन र उत्पादकत्व अभिवृद्धि गर्ने उदेश्यले बाँकेको खजुरा गाउँपालिका–५ पुरनैनामा औद्योगिक ग्राम निर्माण हुने भएको हो ।

सरकारले देशमा रोजगारी वृद्धि गरी युवा जनशक्तिलाई विदेशिनबाट रोक्न यस्तो ग्रामको विकास गर्न लागिएको हो  

संघीय सरकारको विसं २०७६ असोज ५ को मन्त्रिपरिषद बैठकले पहिलो चरणमा ७५३ स्थानीय तह मध्ये ३२ ओटा स्थानीय तहमा औद्योगिक ग्राम बनाउने निर्णय अन्र्तगत बाँकेको खजुरा परेको छ । 

प्रदेश ५ मा औद्योगिक ग्राम बन्न लागेको गाउँपालिका पनि खजुरा नै हो । औद्योगिक ग्रामको जग्गा व्यवस्थापन भइसकेको सोको डीपीआर र वातावरणीय परीक्षण जस्ता प्रारम्भीक चरणको काम पनि शुरु हुँदै छ । ‘डीपीआरका लागि रू.२० लाख निकासा भइसकेको छ, अब काम अगाडी बढ्छ’, खजुरा गाउँपालिकाका प्रमुख किस्मत कक्षपतिले बताए । 

उनका अनुसार, चालू आर्थिक वर्षमा पहिलो चरणको काम हुने छ भने अर्को वर्ष थप बजेट आएसँगै पूर्वाधार निर्माणको काम हुने छ । ‘सरकारको यो निर्णयबाट हामी उत्साहित छौं, गाउँपालिकाका तर्फबाट सबै सहयोग हुन्छ’, कक्षपतिले भने,‘औद्योगिक ग्रामले खजुरालाई आर्थिक उत्पादनसँग जोडने छ ।’

 हरेक तहमा ससाना घरेलु उद्योग स्थापनाका लागि उचित वातावरणको व्यवस्थापन गर्न ती ग्रामको विकास गर्ने अवधारणा ल्याइएको हो ।

ग्राम स्थापनाका लागि १०० देखि २०० रोपनी क्षेत्रफलको जमीनको व्यवस्था तथा बिजुली, बाटो, पानीलगायतका पूर्वाधार मन्त्रालयले तयार गर्नेछ । 
 

प्रतिक्रिया [0]
प्रतिक्रिया दिनुहोस्