ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

प्रादेशिक महोत्सवको म्याद थप

२०७६ फागुन, १२  
बजार
NA


सल्यान (अस) । सल्यानमा सञ्चालित प्रादेशिक कृषि, पर्यटन, उद्योग, व्यापार तथा सांस्कृतिक महोत्सवको समय २ दिन थप गरिएको छ । जिल्लाको शारदा नगरपालिका १ श्रीनगरमा गत माघ २९ गतेदेखि शुरू भएको महोत्सव फागुन ११ गते आइतवार समापन गर्ने पूर्वतालिका थियो । 

तर, मौसमी प्रतिकूलता र दर्शकको मागअनुसार २ दिन थप गरिएको उद्योग वाणिज्य संघ सल्यानले बताएको छ । शुक्रवार र शनिवार पानी परेका कारण महोत्सव सञ्चालनमा समस्या भएपछि सोमवार र मंगलवार सञ्चालन गर्न लागिएको उद्योग वाणिज्य संघ सल्यानका अध्यक्ष वीरबहादुर चलाउनेले बताए । 

‘कृषि, पशु, वन, उद्योग, व्यापार, पर्यटन विकासको परिकल्पना, व्यवसायीकरणद्वारा आर्थिक उन्नति गरी समृद्ध समाजको स्थापना’ मूल नाराका साथ महोत्सवको आयोजना गरिएको हो । स्थानीय उत्पादनको प्रवद्र्धन र बजारीकरण गर्ने उद्देश्यले महोत्सवको आयोजना गरिएको अध्यक्ष चलाउनेको भनाइ छ ।

प्रतिक्रिया [0]
प्रतिक्रिया दिनुहोस्