arthik abhiyan
ad banner Mango Tech Digital Marketing Solution

बैंकको अग्ला भवन झैं निक्षेपकर्ताको विश्वास उचो बनाउन अर्थमन्त्रीको सुझाव

२०७६ मंसिर, २०  
समाचार
Image Not Found
author avatar अभियान संवाददाता

मंसिर २०, काठमाडौं । अर्थमन्त्री डा. युवराज खतिवडाले बैंकहरूको अग्ला भवन हुनु भनेको निक्षेपकर्ताहरूको विश्वास जित्नु पनि हो भन्दै यसलाई कायम राख्न अनुरोध गरेका छन् । 

ग्लोबल आईएमई बैंक र जनता बैंक मर्जपछिको एकीकृत कारोबारको  शुक्रवार शुरुवात गर्दै उनले भवनको उचाई जस्तै बैंकले कारोबारको उचाई बढाउँदै लैजानसमेत सुझाव दिए ।

बैंक मर्जरपछि अहिलेसम्मकै सबैभन्दा धेरै पूँजी भएको बैंक भएको चर्चा गर्दै  उनले विदेशी संस्थाबाट  ऋण ल्याउन पहल गर्न सुझाव दिए ।

करीब एक दशकअघिको अवस्थालाई सम्झदै उनले भने, ‘ पहिला सहवित्तियकरणबाट रू.५ अर्ब जुटाउन सम्भव हुन्थ्यो तर अहिले एउटै बैंकको पूँजी रू.२० अर्बको हाराहारीमा भएकाले लगानीमा सहज हुने देखिन्छ, यसकारण अब ठूला पूर्वाधारमा लगानी गर्नुस्, पूँजीको आकार ठूलो भएकाले विदेशबाट लगानी भित्र्याउन पहल गर्नुस ।’

अर्थमन्त्री डा. खतीवडाले बैंकहरूले जारी गरेको डिवेञ्चरले दिर्घकालीन लगानी जुटे पनि यसको व्याजदरले कर्जाको व्याजदरमा प्रभाव पार्न नहुने औंल्याए । 
 

प्रतिक्रिया [0]
प्रतिक्रिया दिनुहोस्