ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

सुर्खेतमा कर्णाली उत्सव हुँदै 

२०७६ फागुन, १२  
बजार
NA


सुर्खेत (अस) । फागुन १९ देखि २१ गतेसम्म सुर्खेतको बुलबुले उद्यानमा कर्णाली उत्सव हुने भएको छ । सुर्खेतस्थित ऋति फाउन्डेशनले विभिन्न व्यक्ति तथा निकायसँग सहकार्य गरी उक्त उत्सवको आयोजना गर्न लागेको हो । बौद्धिक बहस हुने यस्तो कार्यक्रम कर्णालीमै पहिलो पटक सञ्चालन हुन लागेको आयोजकले बताएको छ । 

प्रवेश निःशुल्क गरिएको उत्सवमा साहित्य, आर्थिक, सामाजिक, राजनीतिक तथा ऐतिहासिक विषयमा बहस हुनेछ । ‘कुडा कर्णालीका’ मुख्य नारा रहेको उत्सवले वास्तविक कर्णालीलाई चिनाउने उद्देश्य लिएको कर्णाली उत्सवका संयोजक कमलराज लम्सालले बताए । 

उनका अनुसार कर्णालीको भाषा, संस्कृति, सभ्यता र पुरातŒवको उत्खननका लागि बहस सृजना गर्न उत्सव महत्त्वपूर्ण हुनेछ । उत्सवको पहिलो दिन ‘सरकारका तीन तह ः बगाउन्या कर्णालीका बह’ शीर्षकको सत्र रहनेछ । जसमा संघ, प्रदेश तथा स्थानीय सरकारका प्रतिनिधिहरूबीच बहस हुनेछ । यस्तै कर्णालीमा उद्यमशीलता, बेरोजगारी, वैदेशिक रोजगारी युवा तथा श्रम आप्रवासनको अवस्थामाथि विमर्श गर्न ‘काला पहाडका तोडा’ नामक सत्र तय पनि गरिएको छ । उक्त सेशनमा युवा तथा उद्यमशीलताका जानकारहरूले बहस गर्नेछन् ।

यसैगरी ‘कर्णाली क्यानाम घुमेर हेर्दा’, ‘मुख्य मान्ठ ः मूल कुडा’, ‘दबाई र देउता भोक र भकारी’ र  ‘कर्णालीको ११औं जिल्ला !’लगायत विषयमा गहन बहस गरिने बताइएको छ । 

प्रतिक्रिया [0]
प्रतिक्रिया दिनुहोस्