arthik abhiyan
ad banner Mango Tech Digital Marketing Solution

२.४८ अंक बढेर नेप्से परिसूचक ११५१.३६ को विन्दुमा, ४९ करोड ८४ लाख बराबरको शेयर कारोबार

२०७६ मंसिर, २४  
लगानी नेप्से विश्लेषण
Image Not Found
author avatar अभियान संवाददाता

मंसिर २४, काठमाडौं । मंगलवार नेप्से परिसूचक गत कारोबार दिनहरुको तुलनामा सामान्य बढेर बन्द भएको छ । १ हजार १४० दशमलव १० विन्दुबाट शुरु भएको बजार कारोबार अवधिभर २ दशमलव ४८ अंक बढेर १ हजार १५१ दशमलव ३६ विन्दुमा पुगेर बन्द भएको हो । 

बढेर बन्द भएको मंगलवारको बजारमा झन्डै आधा अर्बको कारोबार भएको छ । मंगलवार कारोबार शुरु भएको पहिलो आधा घण्टाको समयावधिमा बढेर यस दिन कै उच्च विन्दु १ हजार १५८ दशमलव १२ को विन्दुसम्म पुगेको थियो । 

त्यसपश्चात पहिलो १ घण्टाको अवधिमा घटेर १ हजार १४७ दशमलव ६५ को विन्दुसम्म पुगेको थियो । 

कारोबारको दोस्रो घण्टामा पुनः बढेको नेप्से परिसूचक १ हजार १५६ दशमलव ६२ को विन्दु पश्चात घटबढ हुँदै अन्तमा गत कारोबार दिनको तुलनामा शून्य दशमलव २२ प्रतिशत बढ्न पुगेको छ । 

मंगलवार कारोबारमा आएका १२ समूहको परिसूचकमध्ये जलविद्युत्, निर्जीवन बीमा, उत्पादन तथा प्रशोधन र ‘अन्य’ समूहको परिसूचक बाहेक बाँकी सबै समूहको परिसूचक बढेर बन्द भएको छ । 

सर्वाधिक बढेर बन्द हुनेमा व्यापार समूहको परिसूचक ४ दशमलव ९७ प्रतिशत बढेको छ भने होटल समूहको परिसूचक १ दशमलव ५७ प्रतिशत बढेको छ । यस्तै बैंकिङ, विकास बैंक, वित्त, लघुवित्त, जीवन बीमा र म्युचुअल फन्ड समूहको परिसूचक १ प्रतिशतभन्दा कम बढेका छन् । 

त्यसैगरी, घटेर बन्द हुनेमा ‘अन्य’ समूहको परिसूचक सर्वाधिक १ दशमलव ६८ प्रतिशत घटेको छ भने जलविद्युत्, निर्जीवन बीमा र उत्पादन तथा प्रशोधन समूहको परिसूचक १ प्रतिशतभन्दा कम घटेका छन् । 

मंगलवारको कारोबार

मंगलवार बढेर बन्द भएको बजारमा रू.४९ करोड ८४ लाख बराबरको शेयर कारोबार भएको हो ।

यो अघिल्लो कारोबार दिन सोमवारको तुलनामा ७ दशमलव ३८ प्रतिशत बढी हो । गत कारोबार दिन सोमवार रू.४६ करोड ४२ लाख रकम बराबरको कारोबार भएको थियो ।

सेन्सेटिभ इन्डेक्स भने शून्य दशमलव ३३ अंक बढेर २५३ दशमलव ५० विन्दुमा पुगेर बन्द भएको छ । 
 

 

दुई कम्पनीको शेयरमूल्यमा सर्किट ब्रेक

मंगलवार नयाँ नेपाल लघुवित्त र सपोर्ट माईक्रोफाइनान्सको शेयरमूल्य सर्वाधिक बढेर सकारात्मक सर्किट ब्रेक लागेको छ । नयाँ नेपाल लघुवित्तको शेयरमूल्यमा ९ दशमलव ९१ प्रतिशत बढेर कारोबार हुँदा प्रतिकित्ता शेयरमूल्य रू.५८८ पुगेको छ । 

यस्तै सपोर्ट माइक्रोफाइनान्सको शेयरमूल्य ९ दशमलव ७६ प्रतिशत बढेर कारोबार हुँदा अन्तिम शेयरमूल्य प्रतिकित्ता रू.५४० कायम रहेको छ । 

शेयरमूल्य घटेर कारोबार हुनेमा अरुण कावेली पावरको शेयरमूल्य ४ दशमलव शून्य ९ प्रतिशत घटेर प्रतिकित्ता शेयरमूल्य रू. ११७ मा सिमित भएको छ । यस्तै नेशनल हाइड्रोपावर कम्पनीको शेयरमूल्य ३ दशमलव ७७ प्रतिशत घटेर रू. ५१ मा सिमित भएको छ ।

१२ समूहको परिसूचक

माछापुछ्रे बैंकको सर्वाधिक शेयर कारोबार

मंगलवार माछापुछ्रे  बैंकको सर्वाधिक शेयर कारोबार भएको छ । कम्पनीको ३ लाख ४६ हजार ८४० कित्ता शेयरको खरीदविक्री हुँदा रू.७ करोड ५३ लाख बराबरको शेयर कारोबार भएको छ । 

कारोबार रकमकै आधारमा दोस्रोमा एनएमबि बैंकको रू.३ करोड ८५ लाख बराबरको शेयर कारोबार भएको छ । कम्पनीको शेयरमूल्य प्रतिकित्ता रू. ३९१ मा सिमित रहेको छ ।

 यस दिन कारोबारमा आएका १७० कम्पनीमा ८२ कम्पनीको शेयरमूल्य बढेको छ भने ७० कम्पनीको घटेको छ । साथै १८ कम्पनीको शेयरमूल्य स्थिर रहेको छ ।
 


 

प्रतिक्रिया [0]
प्रतिक्रिया दिनुहोस्