ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

रुपयाको भाउ अहिलेसम्मकै कमजोर 

प्रतिडलर विनिमय दर ७५ नाघ्यो 

२०७६ चैत, ६  
अन्तरराष्ट्रिय
Image Not Found
author avatar अभियान संवाददाता

काठमाडौं । अमेरिकी डलरको तुलनामा भारतीय रुपयाको भाउ अहिलेसम्मकै कमजोर बनेको छ । भारतमा कोरोना भाइरस संक्रमितको संख्या तीव्र बढेको र यसले अर्थतन्त्रमा कस्तो प्रभाव पार्ने हो भन्ने चिन्ता लगानीकर्तामा बढेपछि बिहिवार भारु दबाबमा आएको हो । कोरोना भाइरसको महामारीले विश्व अर्थतन्त्रका साथै घरेलु अर्थतन्त्र समेत गहिरो संकटमा फसिरहेको देखेपछि लगानीकर्तामा चिन्ता बढेको व्यापारीहरु बताउँछन् । भाइरस संक्रमित र मर्नेको संख्यामा भइरहेको वृद्धिले चिन्ता थप बढाएको छ । 

अघिल्लो  दिन ७४ रुपया २३ मा आएर बन्द भएको प्रतिडलर विनिमय दर बिहिवार कारोबार शुरु हँुदा ७४ रुपया ९५ पैसामा झर्‍यो । बिहिवार बजार बन्द हुँदा भने प्रतिडलर रुपयाको भाउ ७९ पैसा कमजोर बन्दै ७५ रुपया २ पैसामा आयो । एशियामा लगानीकर्ताहरुले डलर थुपार्न आफूसँग भएको अन्य मुद्रा, ऋणपत्र र शेयर धमाधम बेचिरहेका छन् । बिहिवार मुद्रा डालोमा आबद्ध प्रमुख मुद्राका तुलनामा डलरको मूल्य मापन गर्ने डलर सूचक शून्य दशमलव २४ प्रतिशतले बढेर १०१ दशमलव ४० अंकमा उक्लिएको थियो ।

पूँजीबजारबाट विदेशी संस्थागत लगानीकर्ताहरुले लगानी फिर्ता गर्ने क्रममा भएको वृद्धिले मुद्रा बजार भएको विश्लेषण गरिएको छ । कोरोना भाइरसको महामारी खराब बन्दै गएपछि विश्वभर सेल–अफ देखिएको छ । लगानीकर्ताहरुले सस्तो मूल्यमा धमाधम लगानी बेचिरहेका छन् । मार्चको अहिलेसम्मको अवधिमा भारतको पूँजी बजारबाट ७ खर्ब रुपया भन्दा धेरै लगानी बाहिरिएको छ । अन्य मुद्रका तुलनामा डलरको भाउमा भएको वृद्धिले भारुमाथिको दबाब बढेको हो  । 

मार्च १९ सम्ममा भारतमा कोरोना भाइरस संक्रमितको संख्या १ सय ६५ नाघेको स्वास्थ्य मन्त्रालयले बताएको छ । कोरोना भाइरसको महामारीका कारण पछिल्लो समय विश्व शेयर बजार त्रस्त छ । यही प्रवृत्ति पछ्याउँदै भारतको बेञ्चमार्क शेयर परिसूचक बीएसई सेन्सेक्स बिहिवार २ हजार अंकसम्म घटेको थियो । कारोबार बन्द हुँदा भने बीएसई सेन्सेक्स २ दशमलव शून्य १ प्रतिशत (५ सय ८१ दशमलव २८ अंक)ले घटी २८ हजार २८८ दशमलव २३ अंकमा आयो । अर्को बेञ्चमार्क शेयर परिसूचक निफ्टी पनि २ दशमलव ४२ प्रतिशत (२०५ दशमलव ३५ अंकको कमीसहित ८ हजार २६३ दशमलव ४५ अंकमा आएर बन्द भयो । 

‘देशमा कोरोना भाइरस फैलिने चिन्तामा भारतीय रुपया रातोमा आएको छ, घरेलु शेयर बजारमा आएको तीव्र कमीले लगानीकर्ता मनोबल थप धूमिल भएको छ,’ नयाँ दिल्लीस्थित शेयर ब्रोकरेज कम्पनी ‘रेलिगेयर ब्रोकिङ’मा धातु, ऊर्जा र मुद्रा अनुसन्धान विभागकी उपाध्यक्ष सुगन्धा सचदेव बताउँछिन् । कोरोना भाइरसले अर्थतन्त्रमा पारेको झट्कालाई दृष्टिगत गर्दा घरेलु मुद्राका कमजोर नै रहने उनको भनाइ छ । 

घरेलु पूँजीबजार र ऋण बजारबाट विदेशी लगानी बाहिरिएसँगै भारु कमजोर भएर अहिलेसम्मकै न्यूनस्तरमा आएको एचडीएफसी सेक्युरिटिजमा पीसीजी तथा पूँजी बजार रणनीति प्रमुख भी के शर्मा बताउँछन् । कोभिड–१९, विश्वव्यापी अर्थतन्त्रमा देखिएको सुस्ती र पहिलादेखि नै सुस्ताइरहेको भारतीय अर्थतन्त्रका कारण भारतीय रुपयाको भाउ निरन्तर घटिरहेको छ । यो क्रमले आगामी दिनमा पनि निरन्तरता पाउने र डलर भारु विनिमय दर ताजा न्यूनस्तरमा आउने विश्लेषण गरिएको छ । एजेन्सी

प्रतिक्रिया [0]
प्रतिक्रिया दिनुहोस्