ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

गभर्नर नेपाल कति सफल ?

२०७६ चैत, ७  
पाठक विचार
NA


डा. चिरञ्जीवी नेपालले राष्ट्र बैंकको गभर्नरको ५ वर्षे कार्यकाल पूरा गरेका छन् । कतिपयले उनलाई सफल मानेको पाइयो भने कतिपयले पूरै असफल भनेको पनि पाइयो । वास्तवमा उनी न त ज्यादै सफल गभर्नर हुन् न अत्यन्त सफल नै । हो, सरकारको नेतृत्व परिवर्तन भए पनि उनलाई काम गर्न अप्ठ्यारो भएको थियो । अझ अर्थमन्त्री डा. युवराज खतिवडाले उनलाई हटाउन खोजेको समाचार आएको थियो । अर्थमन्त्रीसँग विवाद बढेकै कारण उनी राजीनामा दिने मनस्थितिमा समेत पुगेको समाचार आएको थियो । तर पनि उनले अनेक दबाब झेलेर पाँचवर्षे कार्यकाल पूरा गरे । 

उनको कार्यकालमा झन्डै ७० प्रतिशत जनसंख्या वित्तीय पहुँचमा पुग्यो । निक्षेप जीडीपी अनुपात हेर्ने हो भने दक्षिण एशियामा सबैभन्दा बढी देखिन्छ । लगभग सबै स्थानीय तहमा बैंकका शाखा पुगेका छन् । पेमेन्ट सिस्टमलाई सुरक्षित बनाउने काम यसअघिका गभर्नर डा. युवराज खतिवडाको पालामा भएको थियो । त्यसलाई नयाँ उचाइमा पुर्‍याउने काम अहिलेका गभर्नर चिरञ्जीवी नेपालले गरेका हुन् । उनले बंैकहरूको चुक्ता पूँजी चार गुणा बढाउन सफल भए जुन उनको कार्यकालको ठूलो सफलता मानिन्छ । धेरैले असम्भव भने पनि त्यो पूरा भएरै छाड्यो । तोकिएको अवधिभित्र चुक्ता पूँजी बढ्दा बैंकहरू सबल पनि भए । त्यस्तै उनले बिग मर्जर पनि गराए । यसले गर्दा थप बैंकहरू मर्जरमा जाने देखिन्छ । त्यसैले उनका धेरै काम राम्रा छन् र नेपालको बैंकिङ क्षेत्रमा उनले ल्याएको परिवर्तन बिर्सन गाह्रै हुनेछ । 

हरीश पौडेल
चाबहिल, काठमाडौं ।

 

प्रतिक्रिया [0]
प्रतिक्रिया दिनुहोस्