ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

शेयर कारोबार रोक्नु हुँदैन

२०७६ चैत, ७  
पाठक विचार
NA


कोरोना भाइरसविरुद्ध सतर्कता अपनाउँदै सरकारले २५ जनाभन्दा एकै ठाउँमा भेला नहुन निर्देशन जारी गरेसँगै केही लगानीकर्ता शेयरबजार बन्द गराउनुपर्ने बताएका छन् । नेपाल धितोपत्र बोर्डले बजार बन्द नगराउने निर्णय गर्‍यो । वास्तवमा यो निर्णय सही छ । 

नेपाल इन्भेस्टर्स फोरम, शेयर लगानीकर्ता संघ नेपाल, नेपाल पूँजी बजार लगानीकर्ता संघ, सेयर लगानीकर्ता दबाब समूह र नेपाल पूँजीबजार संघले बजार बन्द गराउन माग गरे पनि त्यो जायज होइन । पहिलो कुरा पूँजीबजार र अर्थतन्त्रको सम्बन्ध हुन्छ । पूँजी बजार बन्द गराइयो भने अर्थतन्त्रमा थप क्षति पुग्न सक्छ । अर्को, शेयरबजार कतिपयका लागि त रोजीरोटीको माध्यम पनि छ । अझ अहिले सरकारले लकडाउनको अवस्थामा पुगेको निर्णय गरेको छ । यसबाट कतिपयले नियमित आम्दानीको बाटो रोकिन सक्छ । शेयरबजार तरल हुने भएकाले नै मानिसहरूले अल्पकाल वा दीर्घकालका लागि लगानी गर्छन् । आपत् पर्दा शेयर बेचेर गुजारा गर्ने उनीहरूको सोच हुन्छ । यस्तोमा शेयरबजार बन्द भइदियो भने कतिपयको त बिचल्ली नै हुन सक्छ । अर्को अहिले शेयर किनबेचका लागि ब्रोकरकहाँ बसिरहनुपर्ने अवस्था छैन । कतिपय लगानीकर्ताले अनलाइन सुविधा लिइसकेका छन् । घरघरमै इन्टरनेटमा बजार बारे हेरेर किनबेचका लागि आदेश दिन सकिन्छ । 

बजार ओरालो लागेकाले आत्तिएकाहरूले नै शेयरबजार बन्द गर्नुपर्छ भनेका हुन् । बिहीवार त्यही भएर शुरूमा घटेको बजार पछि उकालो लागेको हो । १ हप्तापछिको अवस्थामा सकारात्मक हुने अपेक्षा केही लगानीकर्तामा भयो भने केहीले झनै खराब हुने आशंका शेयर बेचे । त्यसैले केही संघसंस्थाले माग गरे भन्दैमा शेयरबजार बन्द गरिनु हुँदैन । 

ओम अधिकारी
घट्टेकुलो, काठमाडौं ।

प्रतिक्रिया [0]
प्रतिक्रिया दिनुहोस्