arthik abhiyan
ad banner Mango Tech Digital Marketing Solution

ए डिभिजन लिग : विभागीय टोली पुलिसको जित        

२०७६ पौष, १६  
खेल विविध
Image Not Found

पुस १६, काठमाडौं । नेपाल पुलिस क्लबले संकटा क्लबलाई पराजित गर्दै शहीद स्मारक ए डिभिजन लिग फुटबलमा दोस्रो जित दर्ता गराएको छ ।     
     
ललितपुरको सातदोबाटोस्थित एन्फा (अखिल नेपाल फुटबल संघ) कम्प्लेक्सको खेल मैदानमा बुधवार भएको खेलमा विभागीय टोली पुलिसले संकटा क्लबलाई २–१ गोल अन्तरले पराजित गर्दै लिगमा दोस्रो जित दर्ता गराएको हो ।

जितसँगै पुलिसले ४ खेलमा ७ अंक जोड्दै अंक तालिकाको पाँचौं स्थानमा उक्लिएको छ ।     
     
पुलिसको जितमा दुवै गोल सुमन लामाले गरे । खेलको १५औं मिनेटमा सुमनले गोल गर्दै पुलिसलाई पहिलो अग्रता दिलाए ।

 त्यस्तै खेलको १८औं मिनेटमा संकटाका अमित तामाङले एक गोल फर्काउँदै खेललाई एक÷एक गोलको बराबरीमा ल्याए । उनले पेनाल्टीमार्फत गोल गरेका थिए । पुलिसका डिफेन्डरले डिबक्स एरियाभित्र ह्याण्ड गरेपछि संकटाले पेनाल्टी पाएको थियो ।     
     
खेलमा एक एक गोलको बराबरी भने लामो समयसम्म टिक्न सकेन । खेलको ३३ औं मिनेटमा सौजन राईको पासमा पुलिसका सुमनले व्यक्तिगत दोस्रो गोल गर्दै पुलिसलाई २–१ को जित दिलाए ।
 

खेलमा सुमन लामा म्यान अफ दि म्याच घोषित भए । पराजित संकटाले चार खेलमा चार अंक जोडेको छ । संकटा अंक तालिकाको १० औं स्थानमा छ ।  रासस
 

प्रतिक्रिया [0]
प्रतिक्रिया दिनुहोस्