arthik abhiyan
ad banner Mango Tech Digital Marketing Solution

साझाको विद्युतीय बस खै ?

२०७६ पौष, १८  
पाठक विचार
NA


प्रधानमन्त्री केपी शर्मा ओलीले साझाले सञ्चालन गर्ने विद्युतीय साझा बसको उद्घाटन गरेको निकै समय भइसक्यो । भाषण ठूला गरिए पनि हालसम्म साझाले विद्युतीय बस सञ्चालन गर्न सकेको छैन । बरु निजीक्षेत्रले सेवा दिन थालिसकेको छ । साझाले विद्युतीय बस सञ्चालन गर्न नसक्नुमा सरकारको दोष हो कि साझाको ? यसमा पनि कमिशनको कुरा नमिलेर रोकिएको हुन सक्ने सम्भावना देखिन्छ । 

सरकारले साझा यातायातलाई विद्युतीय बस किन्न अनुदान दिने भनेको थियो । तर, अहिले सरकारले नै साझालाई विद्युतीय बस ल्याउन रोकेकको समाचार आइरहेको छ । साझालाई नै बस किन्ने प्रक्रिया अघि बढाउन दिने कि निकासा गरिएको रकम फिर्ता लिएर नयाँ प्रक्रिया थाल्ने भन्नेमा सरकारले कुनै निर्णय लिन नसक्दा विद्युतीय बस किन्ने प्रक्रिया अड्किएको बताइन्छ । 

एक वर्षअगाडि नै सरकारले ३ सयओटा विद्युतीय बस किन्ने निर्णय गरेको भनेर खुब प्रचार गरिएको थियो । सरकार आफैले ती बस चलाउने भनिए पनि अहिलेसम्म कुनै प्रक्रिया शुरू गरिएको समाचारसमेत आएको छैन । यसबाट सरकार प्रचारबाजीका लागि जे पनि बोल्दो रहेछ भन्ने सन्देश हामीले लिएका छौं । त्यसो त लुम्बिनी विकास कोषका लागि आएको गाडीको उद्घाटन गरेर विवादमा परेको सरकार विद्युतीय बस सञ्चालन गर्न नसकेर थप आलोचनामा परेको छ ।

विद्युतीय बस वातावरणमैत्री मात्र होइन, आर्थिक रूपमा सस्तो पनि पर्छ । त्यस्तै विद्युतीय बस बढी सुविधायुक्त पनि देखिन्छ । यस्तोमा साझा यातायातले विद्युतीय बस सञ्चालन गर्न ढिला गर्नु राम्रो होइन । 

दिनेश थपलिया, सामाखुशी, काठमाडौं ।

प्रतिक्रिया [1]
User Image

कले घि

[Jan 2, 2020 11:28pm]

निजि चलेपनी हुन्च


प्रतिक्रिया दिनुहोस्