arthik abhiyan
ad banner Mango Tech Digital Marketing Solution

बिजुलीको महसुल घटाउँदाको फाइदा

२०७६ पौष, २०  
पाठक विचार
NA


सरकारले नेपालको बिजुली भारत र बांगलादेशलाई बेच्ने तयारी गरिरहेको छ । बिजुली बढी भएको भन्दै उपभोक्तालाई बिजुलीबाट चल्ने सामान उपभोग गर्न आग्रह पनि गरिरहेको छ । तर, जाडो याममा अघोषित रूपमा लोडशेडिङ भइरहेको छ । कतिबेला बिजुली जाने हो पत्तो छैन । यसमा उपभोक्तालाई समस्या भएको छ । विनासूचना झ्याप्प बिजुली जाँदा खाना आधा पाक्ने, बिजुलीका सामान बिग्रने तथा विनासूचना बत्ती आउँदा आगलागी समेत हुने सम्भावना बढी छ । यस्तोमा सबैभन्दा पहिले बिजुली भरपर्दो हुनु आवश्यक छ । 

सरकारले ग्यासमा अनुदान हटाउने तथा इन्डक्शन चूल्हो प्रयोग गर्ने वर्गको विद्युत् महसुल पनि समायोजन गर्ने बताउन थालेको छ । यो सकारातमक कुरा हो । यसो हुँदा विद्युत खपत बढ्छ । विद्युत् खपत बढेपछि पेट्रोलियम पदार्थको आयात निकै घट्छ जसले गर्दा नेपालको आयात कम भई व्यापार सन्तुलन कायम गर्न मद्दत पुर्‍याउँछ । यसरी समग्रमा विद्युत्को निममित आपूर्ति र बढ्दो प्रयोगले देशको अर्थतन्त्रमा सकारात्मक योगदान गर्छ ।

मध्यम वर्गले प्रयोग गर्ने सामान विद्युतीय हुन थाले भने विद्युत्को खपत बढ्छ । त्यसमा पनि महसुल घटाउने हो भने बिजुलीबाट चल्ने सामानको प्रयोगमा प्रोत्साहन मिल्नेछ । अहिले बिजुली बाल्नका लागि मात्रै भनेर कम युनिट खपत गर्ने ग्राहकहरू पनि माथिल्लो स्ल्याबको उपभोक्ता बन्नेछन् ।  त्यसैले महसुल समायोजन जरुरी छ । वास्तवमा नेपालको बिजुली महँगो नै छ । निर्यात गर्दाभन्दा स्वदेशभित्र नै खपत बढाउँदा मुलुकलाई फाइदा बढी हुन्छ । त्यसैले सरकारले विद्युत् महसुल घटाएर विद्युत् खपत बढाउने नीति लिनुपर्छ । 

महेन्द्र अधिकारी, कलंकी, काठमाडौं ।
 

प्रतिक्रिया [0]
प्रतिक्रिया दिनुहोस्