arthik abhiyan
ad banner Mango Tech Digital Marketing Solution

समृद्धिको भाषण र जनता 

२०७६ पौष, २०  
पाठक विचार
NA


सरकारले ‘समृद्ध नेपाल, सुखी नेपाली’, को नारा लगाएको २ वर्ष नाघिसकेको छ । अहिलेको  सरकारले हरेक कार्यक्रममा यही नारा दिने गर्छ । सरकारको यो नारा सुन्दा पञ्चायती व्यवस्थामा तत्कालीन सरकारले लगाएको नाराजस्तै प्रतीत हुन थालेको छ । काम भने खासै केही गर्नु नपर्ने तर भाषणैपिच्छे यो शब्द छुटाउन नपाउने । नारा सुन्दा नेपाल देशलाई समृद्ध बनाउने र उक्त समृद्धिका आधारमा नेपाली जनतालाई सुखी बनाउने भन्ने अभिप्राय देखिन्छ । तर, सरकारको कार्यशैलीले भने यसलाई प्रमाणित गरेको छैन ।

वर्षौंदेखि अविकास, अस्थिरता र गरीबीबाट गुज्रिइरहेका हामी नेपालीलाई यो नारा बडो आकर्षक लागेको छ । तर, समृद्धि भनेको के हो र कसरी प्राप्त हुन्छ भन्नेमा सरकार आफै अन्योलमा रहेको हो कि भन्ने लाग्छ । 
 
सरकारले भनिरहने समृद्धि भौतिक र आर्थिक विकास हो कि मानसिक र बौद्धिक अत्तोपत्तो पाइन्छ । वास्तवमा समृद्धि भन्नाले विकासभन्दा धेरै माथि अनि विकासको उच्चतम अवस्थामा प्राप्त हुने आनन्द हो । तर, यस्तो समृद्धि सहजै पाइने कुरा होइन ।

हामी सामान्य मानिसले भने गरीबी र बेरोजगारीको हट्नु र रोजगारी पाउनु तथा आर्थिक उन्नतिको अवसर पाउनुलाई समृद्धि हो भन्ने बुझ्छौं । देशमा शान्ति र अमनचैन कायम हुनु पनि समृद्धिकै अंग हो । त्यसैले नागरिकको खुशी र सुख अनि सन्तुष्टि नै समृद्धि हो । तर, यसका लागि सरकारले गरेको काम भने आशा लाग्दा देखिँदैनन् । 

शिक्षा, स्वास्थ्य आदि क्षेत्रमा सन्तोष गर्ने ठाउँ नै छैन । तर, नेपाल सरकारले भन्ने गरेको समृद्धि जनतालाई देखाउने सपना मात्र हो भन्ने देखिन्छ । यद्यपि सपना नदेखी त्यसलाई विपना अर्थात् यथार्थ बनाउन सकिन्न । के नेपाली जनताले सधंै यस्तै आश्वासन र भाषण सुन्न मात्र पर्ने हो  ?

हेमन्त बीसी, कलंकी, काठमाडौं ।

प्रतिक्रिया [0]
प्रतिक्रिया दिनुहोस्