arthik abhiyan
ad banner Mango Tech Digital Marketing Solution

सुन्तला खेती : सानो लगानी, वर्षौंसम्म आम्दानी

२०७६ पौष, २१  
१० वर्ष अघि
NA


नेपालमा करिब दुई अर्ब २६ करोडको सुन्तला उत्पादन हुने गरेको छ । नेपालको प्रायः मध्यपहाडी भेगमा उत्पादन हुने सुन्तला नेपाली बजारमा मात्र नभएर भारतीय बजारहरूमा समेत निकासी हुने गरेको छ । जाडोमा उत्पादन हुने तथा अधिक उपभोग हुने भएकाले सुन्तलाले अहिले बजार ढाकेको छ । 

कृषि तथा सहकारी मन्त्रालयबाट प्राप्त तथ्यांक अनुसार आव २०६४/६५ मा सुन्तलाले २०१६७ हेक्टर क्षेत्रफल ढाकेको थियो । त्यसमध्ये ६३ प्रतिशत भूभागमा अहिले सुन्तला फलिरहेका छन् भने बाँकी ३८ प्रतिशत क्षेत्रफलमा नयाँ बिरुवा लगाइएका छन् । 

सरदर ७ वर्षदेखि नयाँ बिरुवाले उत्पादन दिने गर्छ । २५–३० वर्षसम्म राम्रै उत्पादन दिने हुनाले मध्यपहाडी भेगका किसानहरूका लागि थोरै लगानीबाट वर्षौंसम्म नगद आम्दानी गर्ने राम्रो अवसर सुन्तलाबाट मिलिरहेको छ । 

मन्त्रालयका अनुसार उक्त अवधिमा १५९७८३ मे.टन सुन्तला उत्पादन भएको थियो । यसलाई किसानको घरदैलोमा किसानले हात पार्ने मूल्य प्रतिकिलो सरदर रू. १५ का दरले हिसाब गर्ने हो भने दुई अर्बभन्दा बढीको सुन्तला उत्पादन हुने गर्छ । 

(तुलसी गौतमको आलेखबाट) 
वर्ष ५, अंक १२, २०६६, मंसिर ८–१४

प्रतिक्रिया [0]
प्रतिक्रिया दिनुहोस्