ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

पोखरा महानगरले किटनासक औषधि छर्कन थाल्यो नगरक्षेत्रमा

२०७६ चैत, १३  
गण्डकी प्रदेश
Image Not Found
author avatar नरहरि पौड्याल

चैत १३, कास्की । पोखरा महानगरपालिकाले नगर क्षेत्रका भीडभाड हुने स्थानमा (डिसइन्फेक्सन स्प्रे) किटनासक औषधी छर्कन अभियान शुरु गरेको छ । पहिलो पटक महानगरले आफ्नै का न्यूरोडस्थित कार्यालय परिसर क्षेत्रबाट किटनासक औषधी छर्ने अभियान शुरु गरेको हो । 

अभियानको बिहीवार दिउँसो गण्डकी प्रदेशका मुख्य मन्त्री पृथ्वी सुब्बा गुरुङ र पोखरा महानगरपालिकाका प्रमुख मानबहाुदर जिसीले शुरुवात गरेका हुन् । कोरोना भाइरसको संक्रमणलाई महानगर क्षेत्रभित्र फैलिन नदिन किटनासक औषधी छर्न शुरु गरिएको महानगरका प्रमुख मानबहादुर जिसीले बताए । 

उनले महानगर क्षेत्रका भीडभाड हुने ठाउँहरु, अस्पताल, सेवाग्राही बढी आउने सरकारी कार्यालय, लगायत ठाउँहरुमा किटनासक औषधी छरिने बताए । 

प्रमुख जिसीले अत्यावश्यक काम बाहेक बाहिर ननिस्कन र सरकारले थालेको कोरोना रोकथाम र नियन्त्रणको अभियानमा सघाउन महानगरबासीसँग आग्रह गरेका छन् । 

महानगरमा पहिलो चरणमा १०० लिटर उक्त किटनासक औषधी ल्याइ छर्ने काम शुरु गरिएको र आवश्यकता अनुसार खरीद गरी मुख्य मुख्य स्थानमा किटनासक औषधी छरिने पोखरा महानगरपालिकाका स्वास्थ्य महाशाखाका प्रमुख हेमन्त शर्मा पौडेलले बताए । 

उनले विशेष गरी यो किटनासक औषधी अस्पताल र सार्वजनिक स्थल जहाँ भीडभाड बढी हुन्छ, त्यहाँ छर्किने बताए । 


 

प्रतिक्रिया [0]
प्रतिक्रिया दिनुहोस्