ई –पेपर | हाम्रो बारेमा | विज्ञापन | ग्राहक बन्नुहोस | Podcast | English
arthik abhiyan
ad banner Mango Tech Digital Marketing Solution

आईसीआईसीआई बैंकको नेपालमा प्रतिनिधि कार्यालय 

सहकार्यका लागि नबिल बैंकसँग एमओयू

२०७६ पौष, २१  
समाचार
Image Not Found
author avatar ममता थापा

काठमाडौं । दुबईको मास्रेक बैंक र कतारको दोहा बैंकपछि भारतको आईसीआईसीआई बैंकले नेपालमा प्रतिनिधि कार्यालय खोल्ने भएको छ । 

नेपाल राष्ट्र बैंकबाट सैद्धान्तिक सहमती (एलओआई) पाए पनि अन्तिम स्विकृती लिने प्रक्रियामै रहेको आईसीआईसीआईले नेपाली वाणिज्य  बैंकसँग सहकार्यका लागि सम्झौता गर्न शुरु गरिसकेको छ । 

यसैक्रममा नबिल बैंक र आईसीआईसीआईबीच सहकार्य गर्ने सम्झौता पत्रमा हस्ताक्षर भएको छ । करीब एक साताअघि दुवै बैंकबीच व्यापार, विप्रेषण, ट्रेजरी (कोष) लगायत विद्यमान विविध व्यवसायिक सम्बन्धलाई थप बलियो बनाउन तथा ढाँचा सिर्जना गर्न सम्झौता भएको नबिलका प्रमुख कार्यकारी अधिकृत (सिईओ) अनिल केशरी शाहले बताए । 

उक्त सम्झौता पत्रमा बैंकका सिईओ शाह र आईसीआईसीआई बैंकका इन्टरनेशनल फाइनान्सियल इन्स्टिच्युशन ग्रूप प्रमुख रञ्जु सिगटियाले समझदारीपत्रमा हस्ताक्षर गरेका हुन् ।

शाहका अनुसार यो सम्झौतापछि दुबै बैंकले आफ्ना ग्राहकको व्यापार तथा ट्रेजरी आवश्यकतामा बमोजिम सहयोग गर्न एक आपसमा सहज हुने छ । ‘नबिल बैंकले नेपालमा बलियो बजार पहुच बनाएको छ भने आईसीआईसीआई बैंकले बैंकिङ तथा फ्रान्चाइज विस्तार (भारतका साथै केही प्रमुख विश्व बजार) मा विशिष्टता हासिल गरेको छ । 

यस कारण दुबै बैंक सहकार्यका लागि एकसाथ हुदा दुबैलाई सहयोग पुग्नेछ’, उनले बताए । 

शाहका अनुसार नबिल–आईसीआईसी सम्झौताले दुबै सस्थाबीच ‘नलेज शेयरिङ’ र नेटवर्क सञ्जाललाई थप बलियो बनाउन प्लेटफर्म सिर्जना गर्ने तथा भारतस“ग व्यापार गरिरहेका नबिलका ग्राहकलाई लाभ मिल्नेछ । 

सम्झौतापछि दुबै बैंकलाई आफ्ना ग्राहकको व्यापार तथा ट्रेजरी आवश्यकताबमोजिम सहयोग गर्न एक आपसमा सहज

सम्झौता पत्रमा हस्ताक्षर गर्ने क्रममा आईसीआईसीआईकी  सिगटियाले साझेदार बैंकहरुसँग उनीहरुका नेपाली ग्राहकलाई आईसीआईसीआई बैंकको उपस्थिती भएका भारत तथा अन्य मुलुकका स्थानहरुसम्म जोड्न सक्रिय रुपमा काम गरिरहेको बताईन । 

भारतस“ग नेपालको व्यापार तथा लगानी करिडोर बलियो र बढ्दो क्रममा रहेको समेत उनले जानकारी दिईन ।  ‘बढ्दो भारत–नेपाल आर्थिक करिडोरमा हाम्रो सहभागिता निरन्तर बढाउने प्रतिवद्धताअनुरुप यो सम्झौतापत्रमा हस्ताक्षर गर्न पाउँदा हामी खुशी छौं’ उनले बताइन । 

आईसीआईसीआई बैंकले नेपालमा प्रतिनिधि कार्यालय सञ्चालनको लागि करीब १ साता अघि एलओआई पाउनु अघि ३ हजार डलर दर्ता शुल्क बुझाईसकेको नेपाल राष्ट्र बैंकका प्रवक्ता डा. गुणाकर भट्टले बताए ।

यो बैंकलाई ३ महीना अघि नै एलओआईको स्विकृती दिएको र त्यसपछि कार्यालय, कर्मचारी लगायतको व्यवस्थापन लगायतको नीतिगत व्यवस्था पालना गरेर आएपछि अन्तिम स्विकृती दिन राष्ट्र वैंकको भनाइ छ ।  

 


 

प्रतिक्रिया [0]
प्रतिक्रिया दिनुहोस्