arthik abhiyan
ad banner Mango Tech Digital Marketing Solution

कमोडिटी बजारका कुरा

२०७६ पौष, २२  
१० वर्ष अघि
NA

नेपालमा लाखौं लगानीकर्ताहरू सेयर बजारमा लगानी गर्न दौडिइरहेका छन् । गत वर्षदेखि सेयर बजार ओरालो लागेकाले हो या नेपालीहरू बाठा हुँदै गएर हो केही हजार लगानीकर्ताहरू चाहिँ सेयर बजारलाई चटक्कै छाडेर वा थप नाफाको लोभमा सुनचाँदी, पेट्रोलियम,  कृषिजन्य उत्पादनका आदिको ‘फ्युचर्स’ अथवा भविष्य किनबेच गर्ने बजार छिरेका छन् । बुझेर त्यस्तो बजारतिर लगानी गर्न दौडिए, नबुझेर दौडिए,  नाफा हेरेर दौडिए, या घाटा भए पनि जुवाका नशामा झै एकोहोरिएर दौडिए त्यो चाहिँ खुट्याउन मुस्किल छ । तर सत्य हो केही हजार मानिस कमोडिटी बजारबाट रातारात धनी हुने सपनामा बढी नै दौडधुप गरिरहेका छन् । 

तीनवटा यस्ता भविष्य बेच्ने कम्पनीहरू त कम्पनी रजिष्ट्रारको कार्यालयमा दर्ता नै भएर कारोबार सुरु गरिसकेका छन् । तिनमा दर्जनौं क्लियरिङ (प्रत्यक्ष संलग्न)  र नन क्लियरिङ ( तोकिएको कारोबार मात्र गर्ने)  हरू समेत सेयर दलालजस्तै गरी नियुक्त भएका छन् । जसले देशभरबाट अर्बौं लगानी गरेर करोडौं राजस्व पनि सरकारलाई बुझाउन थालेका छन् । 

अहिले यो नौलो बजारका खेलाडीहरू सेयर बजारलाई जस्तै कमोडिटिज बजारलाई नियमन गर्ने निकाय गठन गर्नुप¥यो भनेर कराएको करायै छन् । यो कुरा अति बुझिनसक्नु छ । आफैलाई नियन्त्रण गर्ने निकाय भविष्य किनबेच बजारका मानिसहरूलाई किन चाहिएको होला ? सरकारले पैसा पाएकै छ, लगानीकर्ताले लगानी गर्ने नयाँ ठाउँ पाएकै छन् । किन चाहियो यो नयाँ निकाय ? नयाँ निकाय भन्ने बित्तिकै नयाँ हाकिमहरू चाहिए । अफिस चाहियो । कर्मचारीतन्त्र चाहियो । यी सबै झन्झटमा को पर्ने किन पर्ने ? नियमनकारी निकाय भएर सेयर बजारले कुन ठुलो प्रगति गरेको छ र कमोडिटी बजारमा पनि त्यस्तै निकायको आवश्यकता पर्‍यो ? 

(तीतोमीठोबाट) 
वर्ष ५, अंक १२, २०६६, मंसिर ८–१४

प्रतिक्रिया [0]
प्रतिक्रिया दिनुहोस्