arthik abhiyan
ad banner Mango Tech Digital Marketing Solution

विमान खरिदमा शक्ति केन्द्रहरूको चलखेल

२०७६ पौष, २३  
१० वर्ष अघि
NA
author avatar अभियान संवाददाता

नेपाल वायु सेवा निगमले एयरबस खरिद गर्ने निर्णय गरेपछि उत्पन्न भएको विवादले नेपाली राजनीतिलाई मात्र होइन कूटनीतिमार्फत व्यापार गरिरहेका विदेशी राष्ट्रहरूलाई समेत तानेको छ । अहिले फ्रान्स, बेलायतका राजदूतावासहरू जसरी पनि नेपाल वायु सेवा निगमलाई एयर बस किनाउने पक्षमा लागेका छन् । एयरबस युरोपियन उत्पादन हो अमेरिकाको काठमाडौंस्थित दूतावास एयर बस किन्ने निगमको निर्णय उल्ट्याउन मरिमेटेर लागेको छ । यी दुई पक्षका बीचको किचलोले निगमको जहाज किन्ने सपना फेरि तुहिने सम्भावना बढेको छ । 

स्थापनाकालदेखि नै नेवानिले जहाज खरिद गर्दा वा भाडा लिँदा चलखेल हुने गरेको देखिन्छ । तर अहिलेको जस्तो चलखेल र विवाद विगतमा कहिल्यै नभएको जानकारहरू बताउँछन् । शक्ति राष्ट्रका राजदूतहरूले यो प्रकरणलाई आफ्नो प्रतिष्ठाको विषय बनाएका छन् । शुक्रबार पाँचतारे होटल र्‍याडिसनमा आयोजना भएको एउटा पारिवारिक ‘पार्टी’मा फ्रान्सेली राजदूतले निगमले अब पनि एयर बस खरिद गरेन भने आफूहरूले त्यसलाई सहन नगर्ने बताएका थिए । कतिसम्म भने फ्रान्सेली राजदूतले आवश्यक पर्‍यो भने आफ्नो देशको राष्ट्रपतिबाट डाइरेक्ट डिल गराउने कुरासमेत आफू निकटका व्यक्तिहरूलाई बताइरहेका छन् । जसप्रति बेलायती र जर्मनीका राजदूतहरूको समेत समर्थन रहेको बताइन्छ । एयरबसको फ्रान्समा मुख्य कार्यालय रहेको छ । 

वर्ष ५, अंक १३, २०६६, मंसिर १५–२१

प्रतिक्रिया [0]
प्रतिक्रिया दिनुहोस्