ई –पेपर | हाम्रो बारेमा | विज्ञापन | ग्राहक बन्नुहोस | Podcast | NBA
arthik abhiyan
ad banner Mango Tech Digital Marketing Solution

क्वारेन्टाइनमा  रहेकालाई सहयोग गर्ने मनकारी  केरा व्यापारी   !

२०७६ चैत, १८  
सुदूरपश्चिम प्रदेश
NA

चैत १९, लम्की( कैलाली) । कैलाली, टीकापुरका केरा व्यवसायी नेपबहादुर चौधरीले कोभिड –१९ नियन्त्रणमा खटेका नागरिकलाई केरा उपलब्ध गराएका छन् ।

चौधरीले मंगलवार २५० दर्जन केरा टीकापुर नगरपालिकाअन्तर्गतका सुरक्षाकर्मी, स्वास्थकर्मी र क्वारेन्टाइनमा रहेका नागरिकलाई वितरणका लागि नगरपालिकालाई प्रदान गरे ।     

 उक्त केरा नगरपालिकाले कोभिड –१९ नियन्त्रणका लागि खटेका प्रहरी, स्वास्थ्यकर्मी र क्वारेन्टाइनमा बसेका नागरिकलाई वितरण गरेको छ । 
नेकपा सुदूरपश्चिम प्रदेश कमिटीका सचिव चौधरीले नगरपालिकाको क्वारेन्टाइमा बसेका नागरिकका लागि दैनिक ५० दर्जन केरा उपलब्ध गराउने प्रतिबद्धता गरेका छन् ।

‘यस्तो विपत्तिको समयमा मेरो पनि केही दायित्व हुन्छ भन्ने ठानेर क्वारेन्टाइनमा बस्ने नागरिकका लागि दैनिक आवश्यक केरा उपलब्ध गराउन थालेको हुँ’,चौधरीले  भने, ‘दिनभरि कार्यक्षेत्रमा खटेका नागरिक र क्वारेन्टाइनमा बसेकालाई विषादी प्रयोग नगरिएका केरा वितरण गर्न थालेको छु ।’     
 

नगरपालिकाले टीकापुर बहुमुखी क्याम्पसमा बनाएको क्वारेन्टाइमा हाल ३३ नेपाली छन् । नगर प्रमुख तपेन्द्रबहादुर रावलले सहयोगी चौधरीलाई धन्यवाद दिए । ‘चौधरी जस्ता मनकारीहरुले सहयोग पनि गर्न थाल्नुभएको छ, क्वारेन्टाइनमा बसेकाका लागि हामीले मञ्जन, साबुनदेखि खानासम्म आवश्यक सबै प्रबन्ध मिलाएका छौं ।’     

 क्वारेन्टाइनमा बस्ने नागरिकको नगरपालिकाले दैनिक दुई पटक स्वास्थ्य परीक्षण गर्ने गरेको जनस्वास्थ्य प्रवद्र्धन उपशाखाका संयोजक बलबहादुर रावलले जानकारी दिए । 

‘कहिलेकाहीं विशेषज्ञ चिकित्सकको सेवासमेत दिने गरेका छौं तर अहिलेसम्म कोही नागरिकमा कोभिड–१९ को संक्रमणका कुनै लक्षण देखिएका छैनन् । ’     
 

 विदेशबाट फर्किएकाको घरमा रातो झण्डा     

सरकारले हालै विदेशबाट फर्किएकाहरुलाई कम्तीमा १४ दिन क्वारेन्टाइनमा बस्नुपर्ने नियम कार्यान्वयनका लागि जानकी गाउंँपालिका–९ ले आफ्नो वडामा हालै भारत तथा विदेशबाट आएकाको घरमा रातो झण्डा लगाएको छ ।
 

वडा  कार्यालयले वडामा भारत तथा विदेशबाट आएका ३० घरमा रातो झण्डा लगाएको हो । विदेशबाट आएका घरमा, टोलछिमेकका अन्य व्यक्तिहरुको सम्पर्क हुन नदिन यो उपाय राम्रो रहेको स्थानीयवासी पदम परियारले बताए । रासस
 

प्रतिक्रिया [0]
प्रतिक्रिया दिनुहोस्